Mateo 5:42 - Marahay na Bareta Biblia

⁴² Tawan mo an naghahagad saimo, asin dai mo pagsayumahan an boot mag-utang saimo.

Mateo 5:42 ပူးပေါင်းရင်းမြစ်များ

Salmo 37:21

Minautang an maraot na tawo asin dai na minabayad, alagad maugayon an matanos asin matinao.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 21:26

mayo siya nin ginigibo kundi an mag-isip dapit sa mga bagay na boot niyang mapasaiya. Alagad an matanos maogmang nakakapagtao.

Parahulit 11:6

Magtanom ka sa aldaw asin man sa banggi, huli ta dai mo nanggad maaaraman kun an gabos na itinanom mo matalubo nin marahay o kun an saro mamumunga nin dakul ki sa saro.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Mateo 5:41

Kun may magpirit saimong ibahan siya nin sarong kilometro, ibahan mo siya nin duwang kilometro.

Lukas 11:41

Kaya itao nindo sa mga dukha an mga nasa laog kan mga tasa saka mga plato nindo, asin an gabos magigin malinig para saindo.

Roma 12:20

Kundi sosog sa kasuratan, “Kun nagugutom an kaiwal mo, pakakana; kun napapaha, painoma. Sa paggibo mo saiya nin siring, mamumula an saiyang lalawogon sa kasopogan.”

Hebreyo 13:16

Dai kamo malingaw sa paggibo nin karahayan asin sa pagpatarabang-tabang, huli ta iyo ini an mga sakripisyo na nakakapaogma sa Dios.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.