Mateo 5:39 - Marahay na Bareta Biblia

³⁹ Alagad ngunyan sinasabihan ko kamo: dai kamo magbalos sa naggigibo saindo nin maraot. Kun may sumampaling kan too mong pisngi, ipasampaling mo pa an sa ibong.

Mateo 5:39 ပူးပေါင်းရင်းမြစ်များ

1 Mga Hade 22:24

Dangan nagdolok an propetang si Zedekias asin sinampaling si Micaias. An sabi niya, “Kasuarin pa ako binayaan kan espiritu nin Kagurangnan asin nagtaram saimo?”

An Libro ni Job 16:10

Ngingisihan ako kan mga tawo; pinalibotan ninda ako dangan sinampaling.

Mga Talinhaga 20:22

Dai ka mag-isip na balosan nin maraot an maraot; halaton mo an Kagurangnan, asin tatabangan ka niya.

Mga Talinhaga 24:29

Dai ka magtaram nin, “Gigibohon ko saiya an ginibo niya sako tanganing makabalos ako!”

Isaias 50:6

Hinubaan ko an sakong likod para sa mga parahampak. Dai ko sinda pinugol kan ako saindang pag-olog-ologon, kan an sakong barabas saindang rabnotan, asin kan pagkuspaan ninda an sakong lalawogon.

Mga Panambitan 3:30

Maski sinampaling asin ininsulto dapat akoon nyato iyan gabos.

Levitico 19:18

Dai kamo magbalos o magrimpos nin maraot na boot sa kiisay man, kundi kamotan nindo an saindong kapwa siring kan pagkamoot nindo sa saindo man sana. Ako an Kagurangnan.

Mikas 5:1

Banwaan nin Jerusalem, tipona an saimong hukbo! Napapalibotan na kita! Sinasalakay ninda an lider nin Israel!

Mateo 5:40

Kun may mag-akusar saimo ta boot niyang kuahon an bado mo, itao mo saiya pati an saimong alikboy.

Lukas 22:64

Tinahoban ninda an saiyang mga mata dangan hinapot, “Ukodan mo, siisay an nagsampaling saimo?”

Lukas 6:7

Binantayan si Jesus kan mga paratukdo kan Katogonan asin kan mga Fariseo nganing mahiling ninda kun mabolong siya sa aldaw na Sabbath, tanganing magkaigwa sinda nin ikasumbong tumang saiya.

Juan 18:23

Nagsimbag si Jesus, “Kun may itinaram akong sala, sabiha kun ano iyan! Alagad kun tama an sinabi ko, tadaw ta sinampaling mo ako?”

1 Corinto 6:7

An pagkakaigwa nin mga kaso tumang sa kapwa paratubod sarong kadaogan para saindo. Bakong mas marahay na tioson na sana nindo an pakaraot asin an pandadaya saindo?

1 Tesalonica 5:15

Hingowahon nindo na mayo saindong magbalos nin maraot sa maraot, kundi dayaday kamong maggibo nin marahay sa lambang saro saindo saka sa gabos na tawo.

Hebreyo 12:4

Huli ta sa saindong pakilaban sa kasalan, dai pa kamo nakilaban sagkod na bumulos an saindong dugo.

Santiago 5:6

Kinondenar nindo saka ginadan an mga tawong mayong sala, asin dai sinda minatumang saindo.

1 Pedro 3:9

Dai kamo magbalos nin maraot sa naggibo saindo nin maraot, o mag-olog-olog sa nag-olog-olog sa saindo; kundi bendisyonan nindo sinda, huli ta inapod kamo para sa bagay na ini tanganing bendisyonan kamo nin Dios.