Mateo 5:28 - Marahay na Bareta Biblia

²⁸ Alagad ngunyan sinasabihan ko kamo: an maghiling sa sarong babae na may pagmawot na dorogan siya, nagkakasala na nin panambay.

Mateo 5:28 ပူးပေါင်းရင်းမြစ်များ

Genesis 34:2

Kan mahiling siya ni Shekem, na aki ni Hamor na Heveo, na prinsipe kan daga, kinua siya kaini asin linupigan.

2 Samuel 11:2

Sarong aldaw, kan madali nang magbanggi, nagbangon si David hale sa saiyang pagkatorog asin nagduman sa atop kan palasyo. Mantang naglalakaw-lakaw siya sa atop, natanaw niya an sarong babaeng nangangarigos. Magayon nin marahay an babae,

An Libro ni Job 31:1

“Nanuga ako na dai nanggad ako mahiling na may karigsokan sa sarong daraga.

An Libro ni Job 31:9

“Kun an sakong puso nadagka sa sarong babae, asin naghipa ako sa pintoan kan sakong kataed;

Salmo 119:96

Nasabotan kong an gabos igwa nin kasagkoran; alagad mahiwas nin marahay an saimong kabotan.

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Mga Talinhaga 6:25

Dai ka magpadagka sa saiyang gayon, ni magpasiod sa saiyang mapandagkang mga mata.

Ezekiel 23:16

Pakahiling niya sainda, napano siya nin marompot na kamawotan dangan nagpadara siya nin mga sugo sainda duman sa Babilonia.

Levitico 18:20

Dai nindo pagdorogan an agom kan ibang lalaki; makakapaati iyan saindo.

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Mateo 5:39

Alagad ngunyan sinasabihan ko kamo: dai kamo magbalos sa naggigibo saindo nin maraot. Kun may sumampaling kan too mong pisngi, ipasampaling mo pa an sa ibong.

Roma 7:14

Aram ta na an Katogonan espiritwal; alagad ako tawo, oripon nin kasalan.

Deuteronomio 22:22

“Kun madakop an sarong lalaki na nakikidorog sa agom nin iba, gagadanon sindang duwa. Sa siring na paagi, mahahale saindo an karatan na ini.

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!

1 Juan 2:16

Huli ta an gabos na yaon sa kinaban—an karigsokan kan hawak, an karigsokan kan mata, asin an gabos na ipinaghahambog nin tawo sa buhay na ini—bakong gikan sa Ama kundi sa kinaban.