Mateo 5:22 - Marahay na Bareta Biblia

²² Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Mateo 5:22 ပူးပေါင်းရင်းမြစ်များ

Genesis 37:4

Kan namasdan kan mga tugang ni Jose na mas padangat siya kan saindang ama, naongis sinda saiya mala ngani ta dai na ninda ini kinakaolay sa marahay na boot.

Genesis 37:8

Nagsabi sinda saiya, “Sa paghona mo, ika an magigin hade asin kagsakop nyamo?” Kaya orog na naongis sa saiya an saiyang mga tugang huli kan saiyang mga pangatorogan asin mga pinagsasabi.

2 Samuel 16:7

Minaldisyon siya ni Simei, “Layas! Layas! Paragadan! Mayo nin halagang tawo!

2 Samuel 6:20

Kan magpuli si David tanganing masakaibahan kan saiyang pamilya, sinabat siya ni Mical asin sinabihan, “Nagdakula an dangog kan hade nin Israel ngunyan na aldaw huli ta naghuba siya na garo lolong sa atubangan kan mga babaeng oripon kan saiyang mga opisyal!”

1 Mga Hade 21:4

Nagpuli si Ahab na mamondo saka anggot huli kan sinabi saiya ni Nabot. Naghigda siyang nakaatubang sa lanob asin habong magkakan.

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

2 Mga Cronica 19:5

Nagbugtak siya nin mga hukom sa lambang pinapusog na syudad nin Juda.

Nehemias 5:8

dangan nagtaram ako, “Sagkod na kaya mi pa, tinutubos mi an kapwa ta Judio na nagpabarakal kan saindang sadiri sa mga dayuhan. Alagad ngunyan pinipirit nindo an sadiri nindong mga tugang na ipabakal an sadiri ninda sa saindo na kapwa ninda Judio!” Dai sinda naggirong asin dai nakasimbag nin anoman.

Salmo 109:3

Mga tataramon nin kaanggotan sinasabi ninda sako; asin maski mayo nin dahelan sinasalakay ninda ako.

Salmo 14:1

An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

Salmo 25:3

Dai madadaog an mga naglalaom saimo; alagad masosopog an minapasaluib saimo.

Salmo 35:19

Hare pagtugot na ako pagngisihan kan sakong mga putikon na kaiwal. Hare pagtugot na magkiriyat-kiyatan an mga anggot sako na mayong dahelan.

Salmo 37:8

Likayan mo an kahaditan o an kaanggotan; nagdadara iyan nin kasakitan.

Salmo 49:10

Mahihiling niya na maski an madonong na tawo nagagadan, siring man an mga lolong asin mga mangmang. Iwawalat ninda an saindang kayamanan sa saindang kapagarakian.

Salmo 69:4

An mga naaanggot sako na mayong dahelan, mas dakul pa ki sa sakuyang buhok. Makokosog sinda na boot sakong gumadan; sinasalakay ako kan saindang kaputikan. Dai ko ikakabalik an dai ko man hinabon.

Salmo 7:4

kun an sakong katood binalsan ko nin karatan, kun kinulgan ko an kaiwal na mayo man nin dahelan;

Salmo 92:6

An sarong mangmang dai kaini makakasabot; an sarong patal dai man kaini makakasabot,

Mga Talinhaga 14:16

An Tawong madonong maingat asin minalikay sa karatan, alagad an lolong mayo nin pag-ingat asin mayo nin pagpupugol sa sadiri.

Mga Talinhaga 18:6

An mga ngabil kan lolong nagdadara nin iriwal, asin an saiyang ngoso naghahanap nin kulog sa hawak.

Jeremias 17:11

An tawong nagpapayaman sa paagi nin pandadaya, garo gamgam na naghihilomlom kan bako niyang sogok. Sa panahon nin saiyang kakosogan mawawara an saiyang kayamanan, asin sa saiyang kataposan magigin lolong siya.

Mga Panambitan 3:52

“Nalitag ako arog sa sarong gamgam kan sakong mga kaiwal na naoongis sako na mayo nin dahelan.

Daniel 3:13

Pagkadangog kaini, naanggot nin marahay an hade dangan nagboot na darahon sa atubang niya an tolong lalaki.

Daniel 3:19

Namula an lalawogon ni Nebukadnezzar sa labi-labing kaanggotan ki Sadrak, Mesak, asin ki Abednego. Kaya pinagbotan niya an saiyang mga tawohan na initon an horno nin makapitong beses ki sa dati.

Obadias 1:10

“Huli ta hinabonan mo asin ginadan an mga tugang mong lalaki, an mga kapagarakian ni Jacob, gagadanon ka asin sosopogon sagkod lamang.

Obadias 1:12

Dai ka kutana nag-ogma sa kasakitan kan mga tugang mong lalaki sa Juda. Dai ka kutana nag-ogma sa aldaw kan saindang pagkarumpag. Dai ka kutana nagngisi sa aldaw nin saindang kasakitan.

Mateo 10:17

Mag-ingat kamo, huli ta may mga tawong madara saindo sa mga awtoridad. Hahampakon kamo ninda sa mga sinagoga.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Mateo 12:24

Kan madangog ini kan mga Fariseo, nagsabi sinda, “An tawong ini nakakapaluwas nin demonyo sa kapangyarihan ni Beelzebul na prinsipe kan mga demonyo.”

Mateo 17:5

Nagtataram pa siya kan lindongan sinda nin maliwanag na panganoron. Dangan sarong tingog hale sa panganoron an nagsabi, “Ini an Aki kong namomotan na ikinakaogma kong gayo—dangoga nindo siya!”

Mateo 18:21

Dangan nagdolok si Pedro ki Jesus asin naghapot, “Kagurangnan, pirang beses ko dapat patawadon an tugang ko kun nagkakasala sako? Sagkod sa pitong beses?”

Mateo 18:35

“Siring man kaini an gigibohon kan sakong Ama sa langit sa lambang saro na dai nagpapatawad nin tudok sa puso kan saiyang tugang.”

Mateo 23:15

“Herak man saindo, mga paratukdo kan Katogonan asin mga Fariseo! Mga parasagin-sagin! Minaibong kamo nin mga dagat saka minabaklay nin harayo, tangani sanang makakombertir nin sarong tawo; alagad kun mahimo na nindo ini, ginigibo nindo siyang duwang beses na maninigong padusahan sa impyerno arog saindo!

Mateo 23:33

Mga halas! Kapagarakian nin mga rimoranon! Paano kamong makakadulag sa padusa sa impyerno?

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Mateo 26:59

An mga poon na padi asin an bilog na Konseho naghanap nin ikakasumbong tumang ki Jesus tanganing ipagadan siya.

Mateo 3:17

Dangan may tingog hale sa langit na nagsabi, “Ini an namomotan kong Aki na sakong ikinakaogma.”

Mateo 5:34

Alagad ngunyan sinasabihan ko kamo na dai kamo magsumpa kun nanunuga kamo. Dai kamo magsabing, ‘Saksi ko an langit,’ ta iyan an trono nin Dios;

Mateo 5:44

Alagad ngunyan sinasabihan ko kamo: kamotan nindo an saindong kaiwal, asin ipamibi nindo an mga nagpapasakit saindo,

Markos 14:55

An mga poon na padi saka an bilog na Konseho naghanap nin sumbong tumang ki Jesus tanganing ipagadan siya, alagad mayo sindang nakua.

Markos 15:1

Pagkaagang amay nagtiripon an mga poon na padi, an mga kamagurangan, an mga paratukdo kan Katogonan dangan an bilog na Konseho. Ginapos ninda si Jesus asin dinara ki Pilato.

Lukas 12:5

Alagad papatanidan ko kamo kun siisay an dapat nindong katakotan: matakot kamo sa Dios huli ta pakatapos na magbawe nin buhay, may kapangyarihan pa siya na magtapok sa impyerno! Sinasabihan ko kamo, siya an dapat katakotan.

Lukas 22:66

Pagkaaga, nagtiripon an mga kamagurangan kan banwaan, an mga poon na padi, asin an mga paratukdo kan Katogonan, saka dinara ninda si Jesus sa saindang Konseho.

Juan 11:47

Kaya tinipon kan mga Fariseo asin kan mga poon na padi an mga kaayon kan Konseho, saka hinapot sinda, “Ano an gigibohon ta? Naggigibo nin dakul na ngangalasan an tawong ini!

Juan 15:25

Nangyayari ini tanganing maotob an nasusurat sa saindang Katogonan, ‘Ikinaongis ako ninda na mayo nin anoman na dahelan.’

Juan 7:20

Nagsimbag an mga tawo, “May demonyo ka! Siisay man an boot gumadan saimo?”

Juan 8:48

Sinabihan si Jesus kan mga Judio, “Bakong tama an samong sinabi na Samaritano ka asin may demonyo?”

Mga Gibo 17:18

Nakipagdebate man siya sa mga pilosopong Epicureo asin sa mga pilosopong Estoico. An nagkapira nagsabi, “Ano an pinagtataram kan nagmamadonong na ini?” An iba man nagsabi, “Garong dapit sa mga dios nin ibang lugar an pinagtataram niya.” Sinabi ninda ini huli ta naghuhulit si Pablo dapit ki Jesus asin dapit sa pagkabuhay liwat.

Mga Gibo 22:30

Boot maaraman kan komandante kun ano talaga an sumbong kan mga Judio tumang ki Pablo, kaya kan sunod na aldaw, ipinatangkas niya an mga kadena ni Pablo saka pinatiripon an mga poon na padi saka an bilog na Konseho. Dangan ipinakua niya si Pablo saka pinaatubang sainda.

Mga Gibo 23:1

Hiniling ni Pablo an mga kaayon kan Konseho dangan nagsabi, “Mga tugang! Malinig an sakuyang konsyensya dapit kan sakong pamumuhay sa atubangan nin Dios, sagkod sa aldaw na ini.”

Mga Gibo 24:20

O isabi kan mga tawong ini na uya digdi kun anong karatan an nakua ninda sako kan iatubang ninda ako sa Konseho

Mga Gibo 4:15

Kaya pinaluwas ngona kan Konseho an mga apostol dangan nag-orolay sinda.

Mga Gibo 5:21

Nagkuyog an mga apostol; pagkaagang amay, naglaog sinda sa Templo saka nagtukdo. Nag-abot an Halangkaw na Padi saka an mga kairiba niya, dangan ipinaapod niya an gabos na kamagurangan na Judio para sa sarong pagtiripon kan Konseho. Pakatapos, ipinakua ninda sa bilanggoan an mga apostol.

Mga Gibo 5:27

Dinara ninda an mga apostol, pinaatubang sa Konseho dangan sinabihan sinda kan Halangkaw na Padi,

Mga Gibo 6:12

Sa paaging ini naparibok ninda an mga tawo, an kamagurangan saka an mga paratukdo kan Katogonan. Kaya dinakop ninda si Esteban dangan dinara sa atubangan kan Konseho.

Mga Gibo 6:15

Hiniling si Esteban kan gabos na kaayon kan Konseho; namasdan ninda na an lalawogon niya garo sa anghel.

Mga Gibo 7:37

Si Moises an nagsabi sa mga Israelita, ‘Masugo an Dios nin sarong propeta na gikan saindo, arog kan pagsugo niya sako.’

Roma 12:10

Magkaminorootan kamo bilang mga magturugang ki Cristo; danay kamong mangenot sa pagtaong galang sa gabos.

1 Corinto 6:10

mga parahabon, paslo, paraburat, parapakaraot asin paradaya, dai nanggad magmamana kan Kahadean nin Dios.

1 Corinto 6:6

Kaipuhan pa daw na an sarong tugang magsumbong tumang sa kapwa tugang sa atubang nin mga hukom na pagano?

Deuteronomio 15:11

Danay na magkakaigwa nin mga dukhang Israelita sa saindong daga, kaya pinagbobotan ko kamo na magin matinao sainda.

Deuteronomio 16:18

“Magbugtak kamo nin mga hukom asin iba pang opisyal sa lambang banwa na itinatao saindo nin Kagurangnan na saindong Dios. An mga lalaking ini iyo an mahukom sa mga tawo sa matanos na paagi.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.

Tito 3:2

Sabihan mo sinda na dai magtaram nin maraot, dapit sa kiisay man, maglikay sa iriwal, magin mahuyo asin magpahiling nin marahay na boot sa gabos na tawo.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

Hebreyo 5:9

Kan maotob na niya ini, siya nagin burabod nin kaligtasan na daing kataposan para sa gabos na nagkukuyog saiya.

Santiago 2:20

Boot mong maaraman, o tawong lolong, na gadan an pagtubod na mayong gibo?

Santiago 3:6

An dila garo kalayo. Iyan sarong kinaban nin karatan na kabtang kan satong hawak na nakakadigta kan bilog tang hawak! An kalayo kan dila gikan sa impyerno; kinakalayohan kaiyan an bilog nyatong pagkatawo.

1 Pedro 2:23

Kan pag-olog-ologon siya, dai siya nagbalos; kan pinasakitan siya, dai siya naghoma, kundi nanarig siya sa Dios, an matanos na Hukom.

1 Pedro 3:9

Dai kamo magbalos nin maraot sa naggibo saindo nin maraot, o mag-olog-olog sa nag-olog-olog sa saindo; kundi bendisyonan nindo sinda, huli ta inapod kamo para sa bagay na ini tanganing bendisyonan kamo nin Dios.

1 Juan 2:9

An siisay man na nagsasabi na siya nasa liwanag, alagad naoongis sa saiyang tugang, nasa kadikloman pa.

1 Juan 3:10

Uya an kalaenan kan mga aki nin Dios sa mga aki nin diablo: an dai naggigibo nin tama o dai namomoot sa kapwa niya, bakong aki nin Dios.

1 Juan 5:16

Kun may makahiling sa tugang niya na nakaginibo nin kasalan na bako man mortal, ipamibi niya ini sa Dios na matao saiya nin buhay. Ini manongod sa mga tawo na an mga kasalan bakong mortal. Alagad igwang kasalan na mortal. Dai ko sinasabi na ipamibi nindo iyan sa Dios.

Judas 1:9

Maski si Miguel na Arkanghel dai nangahas na hatolan an Diablo kan nakikiiwal siya digdi dapit sa bangkay ni Moises, kundi nagsabi sana siya, “Sagweon ka logod kan Kagurangnan!”

Kapahayagan 20:14

Dangan an Kagadanan asin an Hades itinapok sa danaw nin kalayo. (An danaw nin kalayong ini iyo an ikaduwang kagadanan.)