Mateo 4:5 - Marahay na Bareta Biblia

⁵ Dangan dinara si Jesus kan Demonyo sa Jerusalem an Banal na Syudad asin pinatindog sa atop kan Templo,

Mateo 4:5 ပူးပေါင်းရင်းမြစ်များ

2 Mga Cronica 3:4

An balkon sa atubangan kan Templo igwa nin sukol na siyam na metros an laba, siring kan lakbang kan mismong Templo, asin singkwenta y kwatro metros an langkaw. An lanob kan balkon pinatos niya nin purong bulawan.

Nehemias 11:1

Nag-erok sa Jerusalem an mga lider kan banwaan, asin an iba nagripa tanganing magpili nin sarong pamilya, sa lambang grupo nin sampolong pamilya, na iyo an maerok sa banal na syudad nin Jerusalem, mantang an siyam na pamilya na dai napili duman maerok sa ibang mga syudad saka banwa.

Nehemias 11:18

Dos syentos otsenta y kwatrong Levita an nag-erok sa banal na syudad nin Jerusalem.

Isaias 48:2

Alagad nag-oorgulyo kamo sa pagsabi na mga namamanwaan kamo kan banal na syudad, asin nananarig kamo sa Dios nin Israel, na Kagurangnan nin mga hukbo an ngaran.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Daniel 9:16

Sinurog mo kami kaidto, kaya dai mo na ipagpadagos an saimong kaanggotan sa Jerusalem. Iyan an saimong syudad, an saimong banal na bulod. Pinagtutuyatuya an Jerusalem saka an saimong banwaan kan gabos na nasyon sa palibot nyamo huli kan samong mga kasalan asin kan mga ginibong karatan kan samong mga ginikanan.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Mateo 27:53

Nagruluwas sinda sa mga lulubngan. Kan nabuhay liwat si Jesus, nagduman sinda sa Banal na Syudad saka nagpahiling sa dakul na tawo.

Lukas 4:9

Dangan dinara siya kan demonyo sa Jerusalem, sa alitoktok kan Templo, asin sinabihan, “Kun ika an Aki nin Dios, lumampaw ka,

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Kapahayagan 11:2

Alagad dai mo pagsukolon an patyo sa luwas kan templo, huli ta itinao na iyan sa mga pagano na matimak-timak kan Banal na Syudad sa laog nin kwarenta y dos na bulan.