Mateo 4:4 - Marahay na Bareta Biblia

⁴ Alagad nagsimbag si Jesus, “Nasusurat, ‘Bakong sa tinapay sana nabubuhay an tawo, kundi sa lambang tataramon na minagikan sa ngoso nin Dios.’”

Mateo 4:4 ပူးပေါင်းရင်းမြစ်များ

Exodo 16:35

Sa laog nin kwarentang taon, manna an kinakan kan mga Israelita sagkod na nakaabot sinda sa daga nin Canaan. (

Exodo 16:8

Dangan nagsabi pa si Moises, “An Kagurangnan an matao saindo nin makakakan na karne pagkabanggi asin bastanteng tinapay pagkaaga, huli ta nadangog niya an pagreklamo nindo saiya; ta siisay man baya kami? Sa katotoohan, kun kamo nagrereklamo samo, sa Kagurangnan kamo nagrereklamo.”

Exodo 23:15

Selebraron nindo an Pyesta nin Tinapay na Mayo nin Lebadura. Siring sa ipinagboot ko saindo, pitong aldaw kamong dai magkakan nin tinapay na igwa nin lebadura sa bulan nin Abib, huli ta ini an bulan kan paghale nindo sa Egipto. Dai nin siisay man na magdolok sako na mayong darang dolot.

Mateo 15:11

bakong an minalaog sa ngoso nin tawo an nakakapaati saiya kundi an minaluwas diyan.”

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Mateo 4:7

Nagsimbag si Jesus, “Nasusurat man, ‘Dai mo pagsugotan an Kagurangnan mong Dios.’”

Markos 7:20

Nagsabi pa siya, “An minaluwas sa tawo iyo an nakakapaati saiya,

Lukas 4:12

Alagad sinimbag siya ni Jesus, “Nasusurat man, ‘Dai mo pagsugotan an Kagurangnan mong Dios.’”

Lukas 4:4

Nagsimbag si Jesus, “Nasusurat, ‘Bakong sa tinapay sana nabubuhay an tawo.’”

Lukas 4:8

Nagsimbag si Jesus, “Nasusurat, ‘Sambahon mo an Kagurangnan mong Dios asin siya sana an saimong paglingkodan!’”

Juan 15:26

“Alagad maabot an Parasurog, an Espiritu nin katotoohan na hale sa Ama. Susugoon ko siya saindo hale sa Ama asin magpapatotoo siya dapit sako.

Juan 6:63

An Espiritu iyo an nagtatao nin buhay; dai ini magigibo kan laman. An mga ipinagtaram ko saindo, Espiritu asin buhay.

Roma 15:4

An gabos na nasa mga Kasuratan, isinurat nganing tukdoan kitang magkaigwa nin paglaom sa paagi nin pakatagal saka karangahan na itinatao sato kan mga Kasuratan.

Efeso 6:17

Ikalo nindo an kaligtasan bilang helmet, saka kapotan an tataramon nin Dios bilang espada na itinatao saindo kan Espiritu.

Deuteronomio 8:3

Ginutom niya kamo dangan pinakakan nin manna, sarong pagkakan na dai pa nanamitan nindo asin kan saindong mga magurang. Ginibo niya idto tanganing tukdoan kamo na an tawo nabubuhay bako sa tinapay sana kundi sa lambang tataramon na minagikan sa ngoso nin Kagurangnan.