Mateo 4:1 - Marahay na Bareta Biblia

¹ Pakatapos, dinara si Jesus kan Espiritu Santo duman sa kalangtadan tanganing pagsugotan kan Demonyo.

Mateo 4:1 ပူးပေါင်းရင်းမြစ်များ

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

1 Mga Hade 18:12

Paano kun pakahale ko, darahon ka tolos kan espiritu nin Kagurangnan sa sarong lugar na dai ko aram? Dangan kun sabihan ko si Ahab na uya ka saka dai ka makua, gagadanon niya ako maski igwa ako nin pagkatakot sa Kagurangnan poon kan ako aki pa.

2 Mga Hade 2:16

Nagsabi sinda ki Eliseo, “Singkwenta kaming uya digdi, gabos makokosog na lalaki. Padumana kami tanganing hanapon an saimong kagurangnan. Tibaad dinara siya kan espiritu nin Kagurangnan asin iwinalat sa ibabaw nin sarong bukid o sa sarong kapantayan.” “Dai na kamo maglakaw,” an simbag ni Eliseo.

Ezekiel 11:1

Initaas ako kan espiritu nin Dios asin dinara sa trangkahan sa parteng sirangan kan Templo. Duman sa may trangkahan nahiling ko an beynte y singkong lalaki, kaiba si Jaazanias na aking lalaki ni Azzur saka si Pelatias na aking lalaki ni Benaias, an duwang lider kan banwaan.

Ezekiel 11:24

Sa bisyon, initaas ako kan espiritu nin Dios asin dinara sa mga itinapok sa Babilonia. Dangan napara an bisyon.

Ezekiel 3:12

Dangan initaas ako kan espiritu nin Dios, asin sa likodan ko nakadangog ako nin sarong makosog na tingog na nagsabi, “Pag-omawon an kamurawayan nin Kagurangnan sa kaitaasan nin langit!”

Ezekiel 3:14

Makosog na nag-abot sakuya an kapangyarihan nin Kagurangnan asin dinara ako kan saiyang espiritu. Mantang dinadara ako, namatean ko an kapaitan nin boot asin kaaanggotan.

Ezekiel 40:2

Sa sarong bisyon dinara ako nin Dios sa daga nin Israel, dangan ibinugtak sa sarong halangkaw na bukid. Sa atubangan ko, nahiling ko an sarong grupo nin mga edipisyo na arog sa sarong syudad.

Ezekiel 43:5

Initaas ako kan espiritu nin Kagurangnan dangan dinara sa patyong nasa laog, saen nahiling kong napano an Templo kan kamurawayan nin Kagurangnan.

Ezekiel 8:3

Inunat niya an garo sarong kamot dangan pinugol ako sa buhok. Dangan sa bisyon na ini, initaas ako kan espiritu nin Dios asin dinara sa Jerusalem. Dinara niya ako sa palaog kan trangkahan sa amihan kan Templo, saen namumugtak an sarong ladawan na sarong insulto sa Dios.

Juan 14:30

Dai na ako magtataram nin haloy saindo, huli ta maabot na an kagsakop kaining kinaban. Mayo siyang kapangyarihan sako,

Mga Gibo 8:39

Paghawas ninda, kinua si Felipe kan Espiritu nin Kagurangnan. Dai na siya nahiling giraray kan eunuko, alagad padagos ini sa pagbyahe, pano nin kaogmahan.

Roma 8:14

An gabos na nagsusunod sa Espiritu nin Dios, mga aki nin Dios.

Hebreyo 2:18

Ngunyan, matatabangan niya an mga pinagsosogotan, huli ta siya mismo pinagsogotan man asin nagtios.

Santiago 1:14

Alagad an tawo pinagsosogotan kun nadadagka siya saka nadadaya kan sadiri niyang maraot na kamawotan.