Mateo 28:4 - Marahay na Bareta Biblia

⁴ Huli kan takot saiya kan mga bantay, tinakigan sinda asin nagkapurukan na garo mga gadan.

Mateo 28:4 ပူးပေါင်းရင်းမြစ်များ

An Libro ni Job 4:14

Natakot ako asin nagtakig; natanyog sagkod an sakong mga tolang.

Salmo 48:6

Duman inabtan sinda nin takig, nin kulog siring sa babaeng nangangaki;

Daniel 10:7

Ako sana an nakahiling kan bisyon. An mga lalaking kaiba ko mayong nahiling na anoman, alagad nagkatarakot sinda asin nagdaralagan patin nagtarago.

Mateo 28:11

Pakahale kan mga babae, nagduman sa syudad an ibang mga bantay asin isinumbong sa mga poon na padi an gabos na nangyari.

Mateo 28:3

Nagliliwanag siya siring sa kikilat asin an gubing niya maputi siring sa ambon.

Mateo 28:5

Nagtaram an anghel sa mga babae, “Dai kamo matakot. Aram kong hinahanap nindo si Jesus na ipinako sa krus.

Mga Gibo 16:29

Nagpakua nin ilaw an bantay, nagdalagan palaog, saka tinatakigan na nagdapa sa pamitisan ni Pablo asin ni Silas.

Kapahayagan 1:17

Kan mahiling ko siya, garo gadan akong natumba sa pamitisan niya. Alagad dinutaan niya ako kan saiyang toong kamot saka sinabihan ako, “Dai ka matakot! Ako an enot asin an huri;