Mateo 27:51 - Marahay na Bareta Biblia

⁵¹ Dangan nabanga an kurtina kan Templo poon sa itaas sagkod sa ibaba. Naglinog sa bilog na daga asin nagkabaraak an mga gapo.

Mateo 27:51 ပူးပေါင်းရင်းမြစ်များ

2 Mga Cronica 3:14

Nagpagibo man siya nin sarong panlipod na kurtina para sa Kabanal-banaleng Lugar; ini ginibo sa pinong lino asin sa mga telang lana na kolor asul, purpura saka pula, dangan igwa nin disenyong mga kerubin.

Salmo 18:15

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon mo an saimong mga kaiwal, Kagurangnan, asin kurahawan sinda sa kaanggotan.

Salmo 18:7

Dangan nagtakig asin natanyog an daga; nagtakig asin natanyog man an mga pundasyon kan kabukidan, huli ta naanggot an Dios.

Exodo 40:21

Pakatapos, ilinaog niya ini sa Tabernakulo asin tinindihan kan panlipod na kurtina. Huli kaini nalipodan an Kaban nin Tipan, siring sa ipinagboot nin Kagurangnan.

Isaias 25:7

Madali niyang hahaleon an dampog nin kamondoan sa bukid na ini—an dampog na nakakatahob sa gabos na nasyon.

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Levitico 21:23

alagad nin huli ta may kaninan siya, dai siya pwedeng magrani sa panlipod na kurtina o sa altar. Dai niya dapat pagdigtaan an mga banal na bagay na ini, huli ta ako an Kagurangnan, asin ako an nagpapabanal kan mga iyan.”

Habakkuk 3:10

Kan mahiling ka kan kabukidan, tinakigan sinda; nagbulos an tubig hale sa kalangitan. Naghagubohob an katubigan sa irarom kan daga, asin nag-orolanto an saindang mga alon.

Habakkuk 3:13

Nagluwas ka sa pagligtas kan saimong banwaan, sa pagligtas kan hadeng saimong pinili. Ginadan mo an pamayo kan mga maraot asin pinuho an saiyang mga parasunod.

Mga Bilang 4:5

Itinao nin Kagurangnan ki Moises an minasunod na mga katukdoan. Sa panahon na mahale na an mga Israelita sa saindang pinagkakampohan, malaog sa Tabernakulo si Aaron saka an saiyang mga aki; hahaleon ninda an panlipod na kurtina sa atubang kan Kaban nin Tipan dangan itatahob ninda iyan sa Kaban.

Mateo 27:54

Natakot nin makuri an kapitan asin an mga soldados na nagbabantay ki Jesus kan mamatean ninda an linog saka kan mahiling ninda an gabos na nangyari. Nagsabi sinda, “Totoo mananggad na Aki nin Dios an tawong ini!”

Mateo 28:2

Biglang naglinog nin makosog huli ta may sarong anghel nin Kagurangnan na naghilig hale sa langit, nagduman sa lulubngan, pinaligid an gapo na nakatakop dangan tuminukaw sa ibabaw kaiyan.

Markos 15:38

Nabanga an kurtina kan Templo poon sa itaas sagkod sa ibaba.

Lukas 23:45

dangan nabanga sa tahaw an kurtina na nasa laog kan Templo.

Lukas 23:47

Kan an nangyaring ini mahiling kan kapitan na Romano, nag-omaw siya sa Dios saka nagsabi, “Totoo mananggad na mayo nin sala an tawong ini!”

Hebreyo 6:19

Sa paglaom na ini, igwa kita nin masarig asin makosog na angkla kan satong buhay; paglaom na minalagbas sa kurtina kan templo sagkod sa kabanal-banaleng lugar.

Hebreyo 9:3

Nasa likod kan ikaduwang kurtina an ikaduwang kabtang na inapod Kabanal-banaleng Lugar.

Kapahayagan 11:13

Kan oras man sanang iyan naglinog nin makosog asin narumpag an ikasampolong kabtang kan syudad; pitong ribo katawo an nagadan. Sa makuring takot kan mga natadang buhay, inomaw ninda an Dios nin langit.

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.