Mateo 27:41 - Marahay na Bareta Biblia

⁴¹ Siring man, pinag-olog-olog siya kan mga poon na padi asin kan mga paratukdo kan Katogonan patin kan kamagurangan na nagsabi,

Mateo 27:41 ပူးပေါင်းရင်းမြစ်များ

An Libro ni Job 13:9

Makakakua daw nin karahayan an Dios sa saindo kun siyasaton niya kamo? Madadaya daw nindo siya siring kan pagdaya nin sarong tawo sa saiyang kapwa?

Salmo 35:26

Magkasoropog logod asin magkarilibong an mga nag-oogma sa sakong kasakitan. Mapano logod nin sopog asin disonra an mga mapaabaw-abaw sa sakong atubang.

Isaias 28:22

Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Zacarias 11:8

Nauyam ako sa tolo pang pastor, na naoongis sako, asin ginadan ko sinda sa laog nin saro sanang bulan.

Mateo 27:40

“Ika na magaba kan Templo asin mapatindog kaiyan sa laog nin tolong aldaw, ligtasan daw an sadiri mong buhay! Kun ika an Aki nin Dios, lusad daw diyan sa krus!”

Mateo 27:42

“Ilinigtas niya an iba alagad dai niya ikinakaligtas an sadiri niyang buhay! Kun siya talaga an Hade nin Israel, humilig siya sa krus ngunyan asin matubod kita saiya!

Lukas 18:32

Huli ta itatao siya sa mga pagano saka pagtutuya-tuyaon, sosopogon asin lulutaban.

Lukas 22:52

Dangan sinabihan ni Jesus an mga poon na padi, an mga opisyal kan mga bantay sa Templo asin an kamagurangan na nagduman sa pagdakop saiya, “Kaipuhan pa daw na magdigdi kamong may darang mga espada asin mga pamukpok na garo ako sarong bandido?

Lukas 23:35

An mga tawong yaon duman nagmamasid mantang an mga lider na Judio nagtutuya-tuya saiya. An sabi ninda, “Ilinigtas niya an iba; iligtas man niya ngunyan an sadiri niyang buhay kun talagang siya an Cristo, an pinili nin Dios!”