Mateo 27:4 - Marahay na Bareta Biblia

⁴ Nagsabi siya, “Nagkasala ako! Pinasaluiban ko an sarong tawong mayong sala!” Alagad nagsimbag sinda, “Ano an labot mi kaiyan? Problema mo na iyan!”

Mateo 27:4 ပူးပေါင်းရင်းမြစ်များ

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

2 Mga Hade 24:4

asin huli kan paggadan niya sa mga tawong mayo nin kasalan. Huli kaiyan dai pwedeng mapatawad nin Kagurangnan si Manases.

An Libro ni Job 13:4

Tinatahoban nindo nin kaputikan an saindong kamangmangan; garo kamo mga doktor na dai nakakabolong kan mga may helang.

Salmo 94:21

na nagmamawot nin maraot tumang sa mga matanos na tawo asin minakondenar sa kagadanan sa mga mayo nin kasalan?

Exodo 12:31

Kan mismong bangging idto, ipinaapod kan hade si Moises saka si Aaron asin sinabihan, “Magharale na kamo digdi sa sakong banwaan, kamo asin an kapwa nindo Israelita! Lakaw asin sambaha nindo an Kagurangnan siring sa saindong hinahagad.

Exodo 9:27

Ipinaapod kan hade si Moises saka si Aaron asin sinabihan, “Ngunyan nagkasala ako, an Kagurangnan iyo an tama. Ako asin an sakong banwaan an sala.

Mga Talinhaga 12:8

Inoomaw an sarong tawo huli sa saiyang kadonongan, alagad isinisikwal an tawong may bikong kaisipan.

Jeremias 26:15

Aramon nanggad nindo na kun gadanon nindo ako, kamo asin an mga nag-eerok sa syudad na ini magkakasala nin paggadan sa sarong tawo na mayo nin sala, huli ta an Kagurangnan an nagsugo sako tanganing itao saindo an patanid na ini.”

Jonas 1:14

Kaya nagkurahaw sinda sa Kagurangnan, “Nakikimaherak kami saimo, Kagurangnan, na dai mo kami paggadanon kun gadanon mi an tawong ini! Ika, O Kagurangnan, an kaggibo kan gabos na ini.”

Mateo 27:19

Mantang nagtutukaw si Pilato duman sa hukoman, pinatogonan siya kan saiyang agom: “Dai ka makilabot sa matanos na tawong iyan, huli ta sa pangatorogan ko kasubanggi, nagtios ako nin makuri dahel saiya.”

Mateo 27:54

Natakot nin makuri an kapitan asin an mga soldados na nagbabantay ki Jesus kan mamatean ninda an linog saka kan mahiling ninda an gabos na nangyari. Nagsabi sinda, “Totoo mananggad na Aki nin Dios an tawong ini!”

Lukas 23:22

Nagsabi si Pilato sa ikatolong beses, “Tadaw, anong karatan an ginibo niya? Dai akong nakukuang anoman na dahelan tanganing gadanon siya! Kaya, ipapahampak ko siya dangan bubutasan.”

Lukas 23:41

Tama an sentensya sato huli sa ginibo ta; alagad mayo siyang ginibong sala.”

Lukas 23:47

Kan an nangyaring ini mahiling kan kapitan na Romano, nag-omaw siya sa Dios saka nagsabi, “Totoo mananggad na mayo nin sala an tawong ini!”

Juan 19:7

Nagsimbag an mga tawo, “Sosog sa samong katogonan, dapat siyang magadan, huli ta nagsabi siyang Aki siya nin Dios.”

Mga Gibo 13:28

Mayo sindang nakuang dahelan na ipagadan si Jesus, alagad hinagad ninda ki Pilato na ipagadan siya.

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

1 Timoteo 4:2

An mga katukdoan na iyan pinalalakop kan mga putikon, na an konsyensya garo minarkahan nin nagbabagang lansang.

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.

1 Juan 3:12

Dai ta pag-arogon si Cain; sadiri siya kan Maraot, asin ginadan niya an saiyang tugang. Tadaw ta ginadan ni Cain an saiyang tugang na si Abel? Huli ta an mga gibo ni Cain maraot, alagad an mga gibo kan saiyang tugang matanos.

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.

1 Samuel 15:24

Nagsimbag si Saul, “Nagkasala ako; dai ko kinuyog an kabotan nin Kagurangnan asin an saimong katukdoan. Natakot ako sa mga tawo, kaya sinunod ko an saindang kamawotan.

1 Samuel 15:30

“Nagkasala ako,” an simbag ni Saul. “Maski siring, pahilingan man giraray sa mga lider kan sakong banwaan asin sa bilog na Israel na ginagalangan mo ako. Mag-iba ka sako tanganing makapagsamba ako sa Kagurangnan na saimong Dios.”

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”