Mateo 27:29 - Marahay na Bareta Biblia

²⁹ Naggibo sinda nin sarong korona nin sangang matonok asin ikinorona saiya; dangan pinakapotan ninda sa saiyang toong kamot an sarong badas; nagluhod sinda sa atubangan niya saka pinagtuya-tuya siya, “Mabuhay an Hade kan mga Judio!”

Mateo 27:29 ပူးပေါင်းရင်းမြစ်များ

Salmo 69:7

Huli saimo, an mga pagduhagi tinitios ko, napano nin kasopogan an lalawogon ko.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 53:3

Pinag-olog-olog asin isinikwal ta siya; tinios niya an sakit saka kulog. Mayo man lamang nin boot na maghiling saiya— pinag-olog-olog ta siya asin dai ginalangan.

Jeremias 20:7

Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Mateo 20:19

dangan itatao sa mga pagano. Pag-oolog-ologon siya kan mga ini, hahampakon, dangan ipapako sa krus; alagad sa ikatolong aldaw bubuhayon siya liwat.”

Mateo 26:49

Dinolok niya tolos si Jesus asin sinabihan, “Marahay na banggi, Maestro!” dangan hinadokan.

Mateo 27:37

Ibinugtak ninda an nakasurat na sumbong saiya sa may itaas kan saiyang payo. An nakasurat iyo ini: “Ini si Jesus, an Hade kan mga Judio.”

Markos 15:17

Sinulotan ninda si Jesus nin gubing na kolor purpura. Naggibo nin korona nin sangang matonok saka ikinorona saiya.

Markos 15:18

Dangan nagpoon sindang mag-omaw saiya. “Mabuhay an Hade kan mga Judio!”