Mateo 24:7 - Marahay na Bareta Biblia

⁷ Huli ta an sarong nasyon malaban sa kapwa nasyon; an sarong kahadean malaban sa kapwa kahadean. Magkakaigwa nin gutom asin paglinog saen man na lugar.

Mateo 24:7 ပူးပေါင်းရင်းမြစ်များ

2 Mga Cronica 15:6

Sarong nasyon an minaapi sa sarong nasyon asin sarong syudad an minaapi sa sarong syudad, huli ta an Dios nagpadara sainda nin gabos na kasakitan.

Isaias 19:2

Nagtataram an Kagurangnan, “Papag-iriwalon ko an mga Egipcio; maglalaban sinda, an lambang lalaki laban sa saiyang tugang na lalaki asin sa saiyang kataed; syudad laban sa syudad, kahadean laban sa kahadean.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Ezekiel 21:27

Pagkarumpag, pagkarumpag! Iyo, ipaparumpag ko an syudad. Alagad dai ini mangyayari sagkod na dumatong an saro na pinili ko na igwa nin deretso sa pagpadusa sa syudad. Sa saiya itatao ko an deretsong ini.

Zacarias 14:13

Sa panahon na iyan, riribongon sinda nin Kagurangnan, kaya dadakopon kan lambang saro an saiyang kataed dangan kukulogon.

Lukas 21:11

malinog nin makosog, asin magkakaigwa nin gutom saka peste sa manlaen-laen na lugar; magkakaigwa nin makangingirhat saka darakulang tanda hale sa kalangitan.

Mga Gibo 11:28

An saro sainda, na an ngaran Agabo, naghula sa pasabong kan Espiritu Santo na may maabot na makuring gutom sa bilog na daga. (Nangyari mananggad ini kan si Claudio an Emperador.)

Mga Gibo 2:19

Magpapahiling ako nin mga ngangalasan sa kalangitan, asin mga tanda sa daga: dugo, kalayo, mahibog na aso;

Hebreyo 12:27

An tataramon na “sarong beses pa” maliwanag na nagpapahayag na an gabos na linalang yuyugyogon, dangan hahaleon an mga nayogyog, tanganing an mga bagay na dai pwedeng mayugyog iyo an mawalat.

Kapahayagan 6:12

Nahiling ko na tinangkas kan Kordero an ikaanom na selyo. Naglinog nin makosog, nagdiklom an aldaw arog kan itom na tela, saka an bulan nagpula na garo dugo;

Kapahayagan 6:5

Tinangkas kan Kordero an ikatolong selyo. Nadangog ko an ikatolong buhay na linalang na nagsabi, “Madya!” Nahiling ko an sarong kabayong itom. An nangangabayo may kapot na sarong timbangan.

Kapahayagan 6:6

Nakadangog ako nin garo tingog na hale sa tahaw kan apat na buhay na linalang na nagsabi, “Sarong takad na trigo sana an mababakal kan sarong aldaw na tandan; tolong takad na sebada sana an mababakal kan sarong aldaw na tandan. Alagad dai mo pagraoton an tanoman nin oliba saka tanoman nin ubas!”

Kapahayagan 6:8

Nahiling ko an sarong kabayong malongsi. An ngaran kan nangangabayo, Kagadanan, asin nagsusunod saiya an Hades. Itinao sainda an kapangyarihan sa ikaapat na kabtang kan kinaban tanganing manggadan sa paagi nin gera, gutom, helang saka sa paagi nin lalaw na mga hayop.