Mateo 24:51 - Marahay na Bareta Biblia

⁵¹ asin papadusahan siya nin kagadanan saka ibubugtak sa kaibahan kan mga parasagin-sagin. Duman siya magtatangis asin magraragot an saiyang mga ngipon.

Mateo 24:51 ပူးပေါင်းရင်းမြစ်များ

An Libro ni Job 20:29

“Iyo ini an palad kan mga maraot, an pamanang itinalaan para sainda nin Dios.”

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Jeremias 13:25

Sinabi niya na iyan an saimong aabotan. Gigibohon niya iyan saimo huli ta liningawan mo siya asin nagsarig ka sa bakong totoong mga dios.

Mateo 22:13

Dangan sinabihan kan hade an mga katabang, ‘Gaposon nindo an saiyang kamot asin bitis dangan iapon siya sa kadikloman sa luwas. Duman magtatangis siya asin magraragot an saiyang mga ngipon.’”

Mateo 24:50

dangan maabot an saiyang kagurangnan sa aldaw asin sa oras na dai niya pinaghohona,

Mateo 25:30

Aponan nindo ining daing pakinabang na sorogoon sa kadikloman sa luwas; diyan siya magtatangis asin magraragot an saiyang mga ngipon.’

Mateo 8:12

Alagad an mga aki kan Kahadean, iaapon sa kadikloman sa luwas; duman magtatangis sinda asin magraragot an saindang mga ngipon.”

Lukas 12:46

pag-abot kan kagurangnan niya sa aldaw asin oras na dai niya pinaghohona, papadusahan siya nin kagadanan asin ibubugtak siya sa kaibahan kan mga bakong maimbod.

Lukas 13:28

Magtatangis kamo duman asin magraragot an saindong mga ngipon kun mahiling nindo si Abraham, si Isaac saka si Jacob asin an gabos na propeta sa laog kan Kahadean nin Dios, mantang kamo nasa luwas!