Mateo 24:39 - Marahay na Bareta Biblia

³⁹ Dai ninda aram an mga nangyayari sagkod na nag-abot an baha dangan inanod sinda. Arog man kaiyan an mangyayari pag-abot kan Aki nin Tawo.

Mateo 24:39 ပူးပေါင်းရင်းမြစ်များ

Genesis 7:23

Tinunaw nin Kagurangnan an gabos na nabubuhay sa kinaban—mga tawo, hayop asin gamgam. Si Noe sana asin an mga kaibahan niya sa arka an nagkatarada.

Mga Talinhaga 23:35

Masabi ka, “Garo akong binaradulan, alagad dai ko nagigiromdoman. Tadaw ta dai ako nagigimata? Kaipuhan mag-inom giraray ako.”

Mga Talinhaga 24:12

Pwede kang magsabi, “Dai ako dapat makiaram,” alagad nakakaaram an Dios asin naghuhukom kan nasa saimong puso. Aram iyan kan Dios na nagmamasid saimo. Babalosan ka niya sosog sa saimong ginigibo.

Mga Talinhaga 29:7

Minimidbid kan matanos an deretso kan dukha, alagad dai iyan nasasabotan kan mga maraot.

Isaias 42:25

Kaya ipinamate niya sato an saiyang makuring kaanggotan, asin pinatios kan kadahasan nin gera. Arog sa kalayo, an saiyang kaanggotan naglaad sa bilog na Israel, alagad an nangyari dai ta nanggad aram; mayo kitang nanodan hale diyan.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 24:3

Mantang nagtutukaw si Jesus sa Bukid nin mga Oliba, duminolok saiya an mga disipulo asin naghapot na mayong ibang nakakadangog, “Sabihi kami kun nuarin ini mangyayari asin kan tanda kan pagbalik mo dangan kan kataposan kan panahon.”

Mateo 24:30

Dangan an tanda kan Aki nin Tawo matunga sa kalangitan; magtatangis an gabos na tawo, saka mahihiling nindang maabot an Aki nin Tawo na nasa ibabaw kan mga panganoron, may kapangyarihan asin dakulang kamurawayan.

Mateo 24:37

Kun ano an nangyari kan panahon ni Noe iyo man an mangyayari pagdatong kan Aki nin Tawo.

Mateo 24:40

Sa oras na iyan duwang lalaki an magtatrabaho sa oma; an saro kukuahon, an saro iwawalat.

Lukas 19:44

Roronoton ka ninda sagkod an saimong mga aki; mayo sindang itatadang gapo na nakapatong sa kapwa gapo, huli ta dai mo minidbid an panahon kan pagdalaw nin Dios saimo!”

Juan 3:20

An siisay man na naggigibo nin maraot naoongis sa ilaw. Dai siya minadolok sa liwanag tanganing dai mailawan an mga maraot niyang gibo.

Mga Gibo 13:41

‘Hilinga nindo, mga paratuya-tuya! Magngalas kamo saka magadan! Huli ta may gigibohon ako sa kapanahonan nindo, sarong gibo na dai nindo tutubodon maski igwang magpaliwanag saindo kaiyan!’”

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

2 Pedro 3:5

Talagang tinutuyo nindang dai pahalagahan an katotoohan, na huli sa tataramon nin Dios kaidto, nalalang an langit asin an daga. An daga nahaman hale sa tubig asin huli sa tubig.

Hukom 20:34

Mga dyes mil na piling kalalakihan hale sa Israel an nagsalakay sa Gibea; nagin mangirhat an ralaban. Dai naaaraman kan mga Benjaminita na magkakagaradan sinda.