Mateo 23:5 - Marahay na Bareta Biblia

⁵ Pagpahiling sana sa mga tawo an gabos nindang ginigibo. Hilinga an halakbang na mga telang nasusuratan kan tataramon kan kasuratan na ipinupurupot ninda sa saindang angog saka takyag. Hilinga man an halabang mga tasel kan bado ninda!

Mateo 23:5 ပူးပေါင်းရင်းမြစ်များ

2 Mga Hade 10:16

Nagsabi si Jehu, “Umiba ka sako tanganing mahiling mo an sakong kaimbodan sa Kagurangnan.” Sabay sinda sa sarong karwahe na nagduman sa Samaria.

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Mga Talinhaga 3:3

Padanaya saimo an kaimbodan; ikulintas mo iyan sa saimong liog asin isurat sa saimong puso.

Levitico 13:32

Hihilingon giraray kan padi sa ikapitong aldaw an gatok asin kun dai man iyan naglakop asin mayo man nin mga bulaw na buhok saka bako man mas hararom ki sa kublit sa palibot,

Mateo 9:20

May sarong babae na doseng taon nang pinag-aawasan nin dugo. Nagrani siya sa likodan ni Jesus saka dinutaan an gayad kan gubing ni Jesus.

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Lukas 20:47

Inuubos ninda an mga rogaring kan mga babaeng balo, dangan sagin-sagin na namimibi nin halawig. Mas magabat an padusa sainda!”

Juan 12:43

Orog nindang namomotan an pag-omaw kan mga tawo ki sa pag-omaw nin Dios.

Juan 5:44

Paano kamong magtubod na nagpapaoromaw-omaw kamo asin dai nindo hinahanap an kaomawan na hale sa Dios?

Juan 7:18

An nagtataram sa sadiri niyang kabotan, boot magpaomaw. Alagad an nagmamawot na omawon an nagsugo saiya nagsasabi kan totoo asin bakong putikon.

Deuteronomio 11:18

“Kaya giromdoma nindo asin kamotan ining mga pagboot. Igakod nindo an mga iyan sa saindong mga kamot sagkod sa saindong mga angog bilang tanda.

Deuteronomio 22:12

“Palaylayan nindo nin kordon an apat na kanto kan saindong alikboy.

Deuteronomio 6:8

Igakod nindo iyan sa saindong kamot asin ibugkos nindo sa saindong angog bilang tanda.

Filipos 1:15

Totoo na si Cristo ipinaghuhulit kan iba huli sa pagkaori o sa pakiiwal, alagad an iba naghuhulit huli sa marahay na boot.

Filipos 2:3

Dai kamo maggibo nin anoman para sana sa sadiring karahayan o tanganing maghambog; kundi sa kapakumbabaan, ibilang nindo na mas marahay an iba ki sa saindo.

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.