Mateo 23:34 - Marahay na Bareta Biblia

³⁴ Kaya papadarahan ko kamo nin mga propeta, nin mga tawong madonong asin nin mga paratukdo. Alagad an iba sainda gagadanon nindo, an iba ipapako sa krus, an iba hahampakon sa mga sinagoga, asin pepersegiron sinda sa binurubanwa.

Mateo 23:34 ပူးပေါင်းရင်းမြစ်များ

2 Mga Hade 21:10

Sa paagi kan mga propeta, nagtaram an Kagurangnan,

2 Mga Cronica 24:21

Alagad nagkasararo sinda laban ki Zacarias asin sa pagboot kan hade, ginapo siya ninda duman sa patyo kan Templo.

Mga Talinhaga 11:30

Buhay an itinatao kan katanosan, alagad kagadanan an dara kan kadahasan.

Jeremias 26:8

Pakatapos kong magtaram kan gabos na ipinagboot sako nin Kagurangnan na itaram ko sa mga tawo, tolos akong pinugol ninda saka kinurahawan, “Dapat kang magadan!

Jeremias 36:26

Dangan pinagbotan kan hade si Prinsipe Jerameel, si Seraias na aking lalaki ni Azriel saka si Selemias na aking lalaki ni Abdeel, na dakopon ako saka si Baruc na sakong sekretaryo. Alagad itinago kami nin Kagurangnan.

Mateo 10:23

Kun pasakitan kamo sa sarong banwa, dumulag kamo sa ibang lugar. Sa katotoohan sinasabihan ko kamo, bago nindo malibot an gabos na banwaan nin Israel, madigdi na an Aki nin Tawo.

Mateo 13:52

Kaya tinaraman niya sinda, “An kahulogan kaini iyo na an lambang paratukdo kan Katogonan na nakanood dapit sa Kahadean nin langit nakakaagid sa sarong kagharong na nagluwas nin bago asin daan na mga bagay hale sa saiyang sarayan.”

Mateo 23:31

Ini nagpapatotoo na inaako nindo na kamo kapagarakian kan mga nanggadan kan mga propeta!

Lukas 24:47

sa ngaran niya ipaghuhulit sa gabos na tawo, poon sa Jerusalem, an pagbakle asin an kapatawadan nin mga kasalan.

Juan 16:2

Papahaleon kamo sa mga sinagoga; maabot nanggad an panahon na an siisay man na maggadan saindo maghohona na an gibong iyan sarong paglingkod sa Dios.

Juan 20:21

Nagsabi giraray sainda si Jesus, “Mapasaindo an katoninongan. Siring na ako sinugo kan Ama, sinusugo ko man kamo.”

Mga Gibo 1:8

Alagad maako kamo nin kapangyarihan pag-abot saindo kan Espiritu Santo asin kamo magigin mga saksi ko sa Jerusalem, sa bilog na Judea saka sa Samaria, sagkod sa mga poro kan kinaban.”

Mga Gibo 11:27

Kan panahon na iyan, may nag-abot na mga propeta sa Antiokia hale sa Jerusalem.

Mga Gibo 12:2

Ipinagadan niya si Santiago na tugang ni Juan.

Mga Gibo 13:1

Sa simbahan duman sa Antiokia, igwa nin nagkapirang propeta asin mga paratukdo: si Bernabe, si Simeon (na inaapod Negro), si Lucio (na taga Cirene), si Manaen (na nagdakula sa palasyo kasabay ni Gobernador Herodes), asin si Saulo.

Mga Gibo 14:19

Nag-abot an nagkapirang Judio na hale sa Antiokia, sa Pisidia asin sa Iconio; napaoyon an mga tawo na kumampi sainda. Ginapo ninda si Pablo, ginuyod sa luwas kan banwa sa paghona na gadan na siya.

Mga Gibo 15:32

Dakul pa an itinaram sainda ni Judas saka ni Silas na mga propeta man, kaya nagkosog an saindang pagtubod.

Mga Gibo 5:40

Ipinaapod ninda an mga apostol, ipinahampak saka pinatanidan na dai na nanggad magtaram sa ngaran ni Jesus. Pakatapos, pinahale sinda.

1 Corinto 2:6

Alagad sa mga tawong pusog na an pagtubod, nagtutukdo ako nin kadonongan. Alagad an kadonongan na iyan bakong gikan sa panahon na ini, o sa mga namamayo kan kinaban na ini, na mga minaagi sana.

1 Corinto 3:10

Sosog sa balaog na itinao niya sako, ibinugtak ko an pundasyon kan edipisyo siring sa sarong ekspertong paratugdok, mantang iba an nagpapadagos kan konstruksyon. Alagad an lambang saro dapat na mag-ingat sa pagtugdok.

Colosas 1:28

Kaya ipinaghuhulit mi si Cristo sa gabos na tawo. Pinapatanidan saka tinutukdoan mi an gabos sa bilog ming kadonongan tanganing ikaatubang mi sa Dios an lambang tawo na tunay na banal ki Cristo.

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.

Hebreyo 11:37

Ginapo sinda, binaak nin lagadi an saindang hawak, o ginadan sa espada. May naglagaw-lagaw na nakagubing kan anit nin karnero saka kanding—dukha, pinasakitan, saka inapi.

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.