Mateo 23:18 - Marahay na Bareta Biblia

¹⁸ Nagtutukdo pa kamo na kun an tawo magsumpa sa ngaran kan altar, bako siyang obligadong mag-otob kan saiyang panuga; alagad kun siya magsumpa sa ngaran kan dolot na nasa altar, obligado siya.

Mateo 23:18 ပူးပေါင်းရင်းမြစ်များ

2 Mga Cronica 6:22

“Kun magkasala sa saiyang kapwa an sarong tawo asin pasumpaon siya sa atubangan kan saimong altar digdi sa Templo,

Mga Bilang 30:2

Kun an sarong lalaki manuga nin ano man sa Kagurangnan o manumpa na malikay sa sarong bagay, kaipuhan dai niya paglapason an saiyang panuga; kaipuhan gibohon niya an gabos sosog sa saiyang sinabi.

Mateo 23:16

“Herak man saindo, mga giyang buta! Nagtutukdo kamo na kun an tawo magsumpa sa ngaran kan Templo, bako siyang obligadong mag-otob kan panuga niya; alagad kun siya magsumpa sa ngaran kan bulawan sa laog kan Templo, obligado siya.

Mateo 23:17

Mga lolong na buta! Arin an mas mahalaga, an bulawan o an Templo na nagpapabanal kan bulawan na iyan?

Mateo 23:19

Talagang buta kamo! Arin an mas mahalaga, an dolot o an altar na nagpapabanal kan dolot?

Markos 7:11

Alagad itinutukdo nindo na kun an sarong tawo igwang ikakatao sa saiyang ama o ina magsabing ‘an bagay na ini Corban’ (na an boot sabihon, para sa Dios),

Galacia 5:3

Sinasabi ko giraray sa kiisay man na boot magpaserkomsisyon, na dapat siyang magkuyog kan bilog na Katogonan.