Mateo 21:6 - Marahay na Bareta Biblia

⁶ Kaya naglakaw an mga disipulo asin ginibo an sinabi ni Jesus.

Mateo 21:6 ပူးပေါင်းရင်းမြစ်များ

Genesis 12:4

Kaya kan setenta y singko na an edad ni Abram, binayaan niya an Haran sosog sa itinaram saiya nin Kagurangnan; nag-iba saiya si Lot.

Genesis 6:22

Ginibo ni Noe an gabos na ipinagboot saiya nin Dios.

Exodo 39:43

Siniyasat ni Moises an gabos nindang ginibo dangan benendisyonan kan mahiling na nahaman an gabos sosog sa ipinagboot nin Kagurangnan.

Exodo 40:16

Ginibo ni Moises an gabos siring sa ipinagboot nin Kagurangnan.

Ezekiel 12:7

Ginibo ko an itinaram sako nin Kagurangnan. Kan aldaw na idto inandam ko an kagamitan nin sarong itinapok asin pagkabanggi, guminibo ako nin labot sa kudal, na an ginamit ko mga kamot ko sana, dangan nagluwas ako pasiring sa diklom, pasan an sakong kagamitan, mantang naghihiling sinda.

Mateo 21:5

“Sabihan nindo an syudad nin Sion, Hilinga, an saimong hade madatong saimo. Siya mahuyo saka nakalunad sa sarong asno, asin sa sarong torilyong ogbon nin asno.”

Mateo 21:7

Dinara ninda an asno saka an torilyong ogbon kaini, kinamaderohan kan saindang mga alikboy, dangan pinakabayohan ki Jesus.

Juan 15:14

Mga katood ko kamo kun gibohon nindo an mga ipinagboboot ko saindo.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.