Mateo 21:5 - Marahay na Bareta Biblia

⁵ “Sabihan nindo an syudad nin Sion, Hilinga, an saimong hade madatong saimo. Siya mahuyo saka nakalunad sa sarong asno, asin sa sarong torilyong ogbon nin asno.”

Mateo 21:5 ပူးပေါင်းရင်းမြစ်များ

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

2 Samuel 16:2

Hinapot siya ni Hadeng David, “Ano an gigibohon mo sa mga dara mong iyan?” Nagsimbag si Ziba, “An mga asno sasakayan kan pamilya kan hade, an mga tinapay asin mga prutas kakakanon kan kalalakihan, asin an arak para sa mga pinanluluya sa kalangtadan.”

1 Mga Hade 1:33

nagsabi an hade, “Ipag-iba nindo an sakong mga opisyal; pasakayon nindo an aki kong si Solomon sa sadiri kong mula asin ibahan nindo siya pasiring sa burabod nin Gihon.

1 Mga Hade 10:26

Nagtipon si Solomon nin dakul na karwahe asin kabayo: mil kwatro syentos an saiyang mga karwahe asin dose mil an nakakabayong mga soldados. An iba sainda ibinugtak niya sa Jerusalem asin an natada ibinugtak niya sa manlaen-laen na syudad.

Salmo 9:14

tanganing ipahayag ko an saimong mga kaomawan, tanganing sa atubang kan mga taga Jerusalem, mag-ogma ako sa saimong kaligtasan.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 40:9

Jerusalem, sumakat ka sa sarong halangkaw na bukid asin ipahayag mo an marahay na bareta! Magkurahaw ka sa makosog na tingog, Sion; ibalangibog mo an marahay na bareta! Magtaram ka asin dai ka matakot. Sabihi an mga banwa nin Juda, “Uya na an saindong Dios!”

Isaias 62:11

na an Kagurangnan nagpapahayag sa bilog na kinaban: “Sabihi nindo an banwaan nin Jerusalem na an Kagurangnan madatong tanganing iligtas siya, kaibahan niya an ilinigtas niyang mga tawo.”

Ezekiel 34:24

Ako, an Kagurangnan, iyo an magigin Dios ninda, asin an sarong hadeng arog kan sorogoon kong si David iyo an magigin pamayo ninda. Ako, an Kagurangnan, an nagtaram.

Ezekiel 37:24

Sarong hade na arog ki David na sakuyang sorogoon an magigin hade ninda. Magkakasararo sinda sa irarom kan pamamayo nin sarong hade asin maimbod na kukuyogon ninda an sakuyang mga togon.

Oseas 1:7

Alagad mamomotan ko an mga taga Juda. Ako, an Kagurangnan na saindang Dios, an maligtas sainda, bakong sa paagi nin gera—o sa espada, pana saka bosog o sa mga kabayo asin mga parakabayo.”

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mga Bilang 24:19

Titimaktimakan sinda ni Jacob Asin an matatada sa mga syudad, saiyang tutunawon.”

Mateo 11:29

Salongan nindo an sakong sakal asin mag-adal kamo sako, huli ta ako maboot asin mahuyo; asin makakakua kamo nin kapahingaloan.

Mateo 2:2

Naghapot sinda, “Haen an omboy na namundag na magigin hade kan mga Judio? Nahiling mi an saiyang bitoon sa sirangan kaya nagdigdi kami nganing sambahon siya.”

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Mateo 21:6

Kaya naglakaw an mga disipulo asin ginibo an sinabi ni Jesus.

Lukas 24:27

Dangan ipinaliwanag sainda ni Jesus an sinasabi dapit saiya sa gabos na kasuratan, magpoon sa mga libro ni Moises sagkod sa mga surat kan gabos na propeta.

Juan 1:49

Nagsabi si Natanael, “Rabbi, totoong ika an Aki nin Dios! Ika an Hade nin Israel!”

2 Corinto 10:1

Ako, si Pablo, nakikiolay saindo sa kapakumbabaan asin sa kabootan ni Cristo. Sinasabi na ako daa maboot kun yaon saindo, alagad maisog kun harayo saindo.

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.

Hukom 12:14

Igwa siyang kwarentang aking lalaki asin treyntang makoapong lalaki na gabos nagsarakay sa setentang asno. Nagin hukom si Abdon sa Israel sa laog nin walong taon.

Hukom 5:10

Ibareta nindo, kamong nakalunad sa mga puting asno, kamong nagtutukaw sa mga kamadero, asin kamo na naglalakaw sa mga tinampo.