Mateo 20:30 - Marahay na Bareta Biblia

³⁰ May duwang lalaking buta na nagtutukaw sa tampi kan dalan. Kan madangog nindang nag-aagi si Jesus, nagkurahaw sinda, “Aki ni David! Kaheraki man kami!”

Mateo 20:30 ပူးပေါင်းရင်းမြစ်များ

Salmo 146:8

asin tinatawan nin pakahiling an mga buta. Binabangon niya an mga napadungkal; namomotan niya an mga matanos.

Isaias 29:18

Pag-abot kan aldaw na iyan, an bongog makakadangog mantang binabasa nin makosog an sarong libro, asin an buta na namuhay sa kadikloman, mamuklat kan saiyang mga mata dangan makakahiling.

Isaias 42:16

“Papangenotan ko an sakong butang banwaan sa mga dalan na dai pa ninda inagihan. Gigibohon kong liwanag an saindang kadikloman asin sa saindang atubangan, sasaramahon ko an bakong saramang mga lugar. Iyo ini an mga bagay na gigibohon ko, asin dai ko iyan lilingawan.

Isaias 42:18

Nagsasabi an Kagurangnan, “Pagdangog kamo, mga tawong bongog! Pagmaan kamo nin marahay, kamo na mga buta!

Isaias 59:10

Nagkakapkap kami siring sa mga buta. Nagkakadarasmag kami maski odto, na garo iyan banggi, na garo yaon kami sa madiklom na kinaban kan mga gadan.

Mateo 13:4

Mantang isinasabwag niya an banhi, nahulog an iba sa dalan; nag-abot an mga gamgam asin tinuka idto.

Mateo 15:22

Sarong babaeng taga Canaan na nag-eerok sa lugar na idto nagdolok ki Jesus. Nagkurahaw siya, “Kagurangnan, Aki ni David! Kaheraki ako! May demonyo an aki kong babae asin masakit an kamugtakan.”

Mateo 20:31

Inanggotan sinda kan mga tawo asin pinaalo. Alagad kinosog logod ninda an saindang pagkurahaw, “Aki ni David! Kaheraki man kami!”

Mateo 21:14

Nagduman ki Jesus sa Templo an mga pilay saka an mga buta, asin binolong niya sinda.

Mateo 21:9

Nagkurahaw an mga tawong naglalakaw sa enotan saka sa hurihan ni Jesus, “Osana sa Aki ni David! Paladan an minadatong sa ngaran nin Kagurangnan! Osana sa kaitaasan!”

Mateo 22:42

“Ano an paghona nindo dapit sa Cristo? Kiisay siyang aki?” Nagsimbag sinda, “Ki David.”

Markos 10:46

Nag-abot si Jesus sa Jerico kaiba an mga disipulo niya asin an dakul na tawo. Kan naghahale na sinda duman, naagihan ninda an sarong makilimos na buta na nagtutukaw sa gilid kan dalan; siya si Bartimeo na aki ni Timeo.

Lukas 4:18

“Nasa sako an Espiritu nin Kagurangnan, huli ta linahidan niya ako sa paghulit kan Marahay na Bareta sa mga dukha. Sinugo niya ako sa pagpahayag kan katalingkasan sa mga bihag, sa pagtao nin pakahiling sa mga buta, sa pagpatalingkas sa mga inaapi,

Lukas 7:21

Kan oras man sanang iyan, binolong ni Jesus an dakul na tawong may manlaen-laen na helang o kamatean o may maraot na espiritu; dakul na buta an tinawan niya nin pakahiling.

Mga Gibo 2:30

Propeta siya; aram niya an panuga nin Dios na an sarong gikan saiya matukaw sa saiyang trono: