Mateo 20:21 - Marahay na Bareta Biblia

²¹ Hinapot siya ni Jesus, “Ano an kaipuhan mo?” Nagsimbag siya, “Ipanuga mo sako na ining duwa kong aki magtukaw, an saro sa saimong too, an saro sa saimong wala duman sa Kahadean mo.”

Mateo 20:21 ပူးပေါင်းရင်းမြစ်များ

1 Mga Hade 2:19

Kaya nagduman si Batsheba ki Hadeng Solomon tanganing kaolayon para ki Adonias. Nagtindog an hade sa pagsabat sa ina, nagtaong galang, dangan nagtukaw sa saiyang trono. Nagpakua siya nin sarong tukawan para sa saiyang ina; nagtukaw si Batsheba sa too kan hade.

1 Mga Hade 3:5

Pagkabanggi, nagpahiling saiya sa pangatorogan an Kagurangnan; asin naghapot an Dios, “Ano an boot mong itao ko saimo?”

Esther 5:3

Naghapot an hade, “Ano an kaipuhan mo, Reyna Esther? Sabihan sako an boot mo asin itatao ko maski an kabanga kan sakong imperyo.”

Salmo 110:1

An Kagurangnan nagtaram sa sakong kagurangnan, “Tumukaw ka sa too ko, sagkod na an mga kaiwal mo gibohon kong tungtongan kan mga bitis mo.”

Salmo 45:9

Mga aking daraga nin mga hade kabilang sa mga ginagalangan na babae sa saimong palasyo; nakatindog sa too mo an reyna, pinakamarahay na bulawan an sulot niya.

Jeremias 45:5

Naghahanap ka nin darakulang bagay para sa saimong sadiri? Dai mo paggibohon iyan. Mapadara ako nin kasakitan sa gabos na tawo, alagad ililigtas ko an saimong buhay, bilang regalo nin ralaban, saen ka man magduman. Ako, an Kagurangnan, an nagtaram.”

Mateo 18:1

Kan oras na iyan, nagdolok an mga disipulo ki Jesus asin naghapot, “Siisay an pinakadakula sa Kahadean nin langit?”

Mateo 19:28

Nagsimbag si Jesus, “Sa katotoohan sinasabihan ko kamo, sa Bagong Kinaban, kun an Aki nin Tawo magtukaw na sa saiyang mamurawayon na trono, kamo na mga disipulo ko matukaw man sa doseng trono, sa paghukom kan doseng tribu nin Israel.

Mateo 20:22

Sinimbag sinda ni Jesus, “Dai nindo aram kun ano an hinahagad nindo. Maiinom daw nindo an kalis na sakong iinomon?” Nagsimbag sinda, “Opo.”

Mateo 20:32

Nag-ontok si Jesus dangan inapod sinda. “Ano an boot nindong gibohon ko saindo?” an hapot niya sainda.

Markos 10:51

Hinapot siya ni Jesus, “Ano an boot mong gibohon ko para saimo?” Nagsimbag an buta, “Maestro, boot kong makahiling.”

Markos 16:19

Pakatapos na kaolayon kan Kagurangnan na Jesus an mga disipulo, isinakat siya sa langit asin nagtukaw sa too nin Dios.

Markos 6:22

Naglaog an aking daraga ni Herodias saka nagsayaw. Napaogma niya nin marahay si Herodes asin an mga bisita kaini. Kaya hinapot ni Herodes an daraga, “Hagadon mo an anoman na mawoton mo asin itatao ko iyan saimo.”

Lukas 18:41

“Ano an boot mong gibohon ko para saimo?” “Kagurangnan, boot kong makahiling,” an simbag niya.

Lukas 19:11

Mantang nagdadangog ki Jesus an mga tawo, nag-osipon siya nin sarong parabola. Harani na siya sa Jerusalem, kaya naghona an mga tawo na madali nang mahayag an Kahadean nin Dios.

Lukas 22:24

Nagpasuruhay an mga disipulo kun siisay sa sainda an mimidbidon na pinakadakula.

Juan 15:7

Kun magdanay kamo sako, asin magdanay saindo an mga tataramon ko, makakamtan nindo an anoman na hagadon nindo.

Mga Gibo 1:6

Kan magkatiripon si Jesus asin an mga apostol, hinapot ninda siya, “Kagurangnan, ibabalik mo na ngunyan sa Israel an Kahadean?”

Roma 12:10

Magkaminorootan kamo bilang mga magturugang ki Cristo; danay kamong mangenot sa pagtaong galang sa gabos.

Roma 8:34

Siisay palan an makondenar sainda? Si Cristo Jesus daw na nagadan, nabuhay liwat asin yaon na ngunyan sa too nin Dios, na nakikimaherak para sato?

Colosas 3:1

Binuhay kamo liwat kaiba ni Cristo, kaya hanapon nindo an mga bagay na nasa langit, saen nagtutukaw si Cristo sa saiyang trono sa too nin Dios.