Mateo 2:6 - Marahay na Bareta Biblia

⁶ ‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Mateo 2:6 ပူးပေါင်းရင်းမြစ်များ

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

1 Mga Cronica 2:51

An ikaduwa niyang aki na si Salma iyo an ama ni Betlehem; asin an ikatolo niyang aki na si Haref iyo an ama ni Bet-gader.

1 Mga Cronica 5:2

Alagad an tribu ni Juda iyo an nagin pinakamakosog, asin saiya naggikan an pamayo kan gabos na tribu, maski ngani an deretso kan matua yaon ki Jose.)

Esdras 2:21

Mga tawong nagbalik man hale sa pagkatapokan, na an mga ginikanan nag-erok sa mga lugar na ini: Betlehem syento beynte y tres Netofa singkwenta y seis Anatot syento beynte y otso Asmavet kwarenta y dos Kiriat-jearim, Kefira, asin Beerot syete syentos kwarenta y tres Rama asin Geba seis syentos beynte y uno Mikmas syento beynte y dos Betel asin Ai dos syentos beynte y tres Nebo singkwenta y dos Magbis syento singkwenta y seis An saro pang Elam mil dos syentos singkwenta y kwatro Harim tres syentos beynte Lod, Hadid, asin Ono syete syentos beynte y singko Jerico tres syentos kwarenta y singko Senaa tres mil seis syentos treynta

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mga Bilang 24:19

Titimaktimakan sinda ni Jacob Asin an matatada sa mga syudad, saiyang tutunawon.”

Mateo 2:1

Namundag si Jesus sa Betlehem nin Judea, kan si Herodes an hade. Dai nahaloy, nag-abot sa Jerusalem an mga mago hale sa sirangan.

Mateo 28:18

Dinolok sinda ni Jesus asin sinabihan, “Itinao sako an gabos na kapangyarihan sa langit asin sa daga.

Juan 21:16

Hinapot giraray siya ni Jesus, “Simon, aki ni Juan, namomotan mo ako?” Nagsimbag siya, “Opo, Kagurangnan, aram mo na namomotan taka.” Sinabihan siya ni Jesus, “Atamana an mga karnero ko.”

Juan 7:42

Bakong sinabi sa kasuratan na an Cristo magikan sa kapagarakian ni David, mamumundag sa Betlehem na banwaan ni David?”

Efeso 1:22

An gabos na bagay ibinugtak nin Dios sa irarom kan mga bitis ni Cristo. Itinao siya sa simbahan bilang kagsakop kan gabos na bagay.

Colosas 1:18

Siya an payo kan saiyang hawak na iyo an simbahan; siya an kapinonan, an enot na binuhay liwat sa mga gadan tanganing siya an magin pinakadakula sa gabos na bagay.

Hebreyo 7:14

Aram nang gayo na gikan siya sa tribu ni Juda; dai lamang nasambit ni Moises an tribung ini kan magtaram siya dapit sa mga padi.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 7:17

huli ta an Kordero na nasa tahaw kan trono iyo an saindang pastor. Dadarahon niya sinda sa mga burabod nin tubig na nagtatao nin buhay, asin papahidon nin Dios an gabos na luha sa saindang mga mata.”