Mateo 2:16 - Marahay na Bareta Biblia

¹⁶ Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Mateo 2:16 ပူးပေါင်းရင်းမြစ်များ

Genesis 39:14

inapod niya an mga oripon niya sa harong asin nagsabi, “Hilinga nindo ini! Nagdara digdi sato an agom ko nin sarong Hebreyo na iyo man sana an masopog sato. Linaog niya ako sa sakong kwarto tanganing lupigan, alagad nagkurahaw ako.

Genesis 39:17

dangan inosipan niya kan parehong istorya: “An sorogoon mong Hebreyo na dinara mo digdi, naglaog sa sakong kwarto asin sinopog ako.

Genesis 49:7

Sumpaon logod an saindang kaanggotan, huli ta grabe nin marahay, Asin an saindang labi-labing kaanggotan, huli ta sobra an kakurihan. Iwawarak ko sinda sa bilog na daga nin Israel, Sa kaibahan kan mga tawo na nag-eerok diyan.

2 Mga Hade 8:12

“Tadaw ta naghihibi ka, kagurangnan?” an hapot ni Hazael. “Huli ta naaaraman ko an karatan na gigibohon mo sa banwaan nin Israel; susuloon mo an saindang mga bantayan, gagadanon an mga hoben na lalaki, roronoton an mga aki asin babaakon an tulak kan mga bados.”

An Libro ni Job 12:4

Ako nagin ngingisihan ngunyan kan sakong mga katood; ako, na nag-apod sa Dios asin sinimbag niya, ako, na matanos saka mayong sala.

Mga Talinhaga 28:15

Arog sa nag-uungal na leon o sa nagugutom na oso an hade na maringis sa mga dukha.

Mga Talinhaga 28:17

Pabayaan nindong maglagalag sagkod na magadan an tawong nagkasala nin panggadan; dai nindo siya pagtabangan.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 59:7

Danay kamong nagpaplano nin maraot; naghihidali kamo sa paggibo kaiyan. Dai lamang kamo nagduduwa-duwa sa paggadan kan mga mayong sala. Kapahamakan saka pagkagaba an nawawalat saen man kamo magduman,

Daniel 3:13

Pagkadangog kaini, naanggot nin marahay an hade dangan nagboot na darahon sa atubang niya an tolong lalaki.

Oseas 10:14

madatong sa saindong banwaan an gera dangan magagaba an gabos nindong bantayan. An aldaw na iyan makakaagid sa aldaw na rinaot ni Hadeng Salman an syudad nin Bet-arbel sa sarong gera; nagkaroronot kaidto an mga ina kaiba an saindang mga aki.

Mga Bilang 22:29

Nagsimbag si Balaam, “Huli ta ginibo mo akong bua-bua, kun igwa kuta akong espada, ginadan ta ka na.”

Mga Bilang 24:10

Ginugom ni Balak an saiyang mga palad sa kaanggotan ki Balaam dangan nagsabi, “Inapod taka tanganing maldisyonon an sakong mga kaiwal alagad tolong beses mo sindang benendisyonan.

Mateo 2:1

Namundag si Jesus sa Betlehem nin Judea, kan si Herodes an hade. Dai nahaloy, nag-abot sa Jerusalem an mga mago hale sa sirangan.

Mateo 2:17

Sa pangyayaring ini naotob an sinabi ni Propeta Jeremias:

Mateo 2:7

Hilom na ipinaapod ni Herodes an mga mago nganing aramon sainda kun kasuarin nagtunga an bitoon.

Kapahayagan 12:4

Ginuyod niya kan saiyang ikog an ikatolong kabtang kan mga bitoon saka itinapok sa daga. Nagtindog siya sa atubangan kan babaeng madali nang mangaki, tanganing halonon an omboy pagkamundag kaiyan.

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.

Hukom 16:10

Nagsabi si Delila ki Samson, “Tinutuyatuya mo ako asin nagputik ka sako. Sabihan na sako kun paano ka magagapos.”