Mateo 2:13 - Marahay na Bareta Biblia

¹³ Pakahale kan mga mago, an anghel nin Kagurangnan nagpahiling ki Jose sa pangatorogan asin nagsabi, “Magbangon ka; idulag mo sa Egipto an mag-ina. Dai ka maghale duman sagkod na sabihan taka, huli ta hahanapon ni Herodes an aki tanganing gadanon.”

Mateo 2:13 ပူးပေါင်းရင်းမြစ်များ

1 Mga Hade 11:17

pwera ki Hadad na aki pa kaidto asin an nagkapirang Edomitang sorogoon kan ama kaini, na nagdurulag pasiring sa Egipto.

1 Mga Hade 3:5

Pagkabanggi, nagpahiling saiya sa pangatorogan an Kagurangnan; asin naghapot an Dios, “Ano an boot mong itao ko saimo?”

An Libro ni Job 33:15

Kun banggi mantang nagkakatorog an mga tawo, minataram an Dios sa paagi nin mga pangatorogan asin mga bisyon.

An Libro ni Job 33:17

An Dios nagtataram sainda tanganing paontokon sinda sa pagkakasala asin ilikay sinda sa pagigin mapaabaw-abaw.

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Mateo 1:20

Mantang iniisip ini ni Jose, nagpahiling saiya sa pangatorogan an sarong anghel nin Kagurangnan na nagsabi, “Jose, aki ni David, dai ka magalang-alang akoon si Maria, huli ta an ipinapangidam niya gikan sa Espiritu Santo.

Mateo 10:23

Kun pasakitan kamo sa sarong banwa, dumulag kamo sa ibang lugar. Sa katotoohan sinasabihan ko kamo, bago nindo malibot an gabos na banwaan nin Israel, madigdi na an Aki nin Tawo.

Mateo 2:12

Pinatanidan sinda nin Dios sa pangatorogan na dai na magbalik ki Herodes. Kaya ibang dalan an saindang inagihan pagpuli.

Mateo 2:14

Kaya nagbangon si Jose asin kan banggi man sanang iyan, idinulag niya an mag-ina pasiring sa Egipto.

Mateo 2:16

Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Mateo 2:22

Alagad natakot si Jose na magbalik sa Judea kan mabaretaan niya na si Arkelao an nakasalihid na hade sa saiyang ama na si Herodes. Huli ta pinatanidan si Jose sa pangatorogan, nagdagos siya sa daga nin Galilea.

Mga Gibo 10:22

Nagsimbag sinda, “Sinugo kami ni Kapitan Cornelio. Matanos siyang tawo, may pagkatakot sa Dios, saka ginagalangan kan gabos na Judio. Sinabihan siya kan sarong anghel nin Dios na alokon ka sa harong niya, tanganing makadangog siya kan sasabihon mo.”

Mga Gibo 10:7

Pakahale kan anghel, inapod ni Cornelio an duwa niyang sorogoon saka an sarong maki-Dios na soldados na kabilang sa mga naglilingkod saiya.

Mga Gibo 12:11

Kan mamangnohan ni Pedro an nangyari saiya, nagsabi siya, “Ngunyan aram ko nang sinugo nin Kagurangnan an saiyang anghel, tanganing iligtas ako ki Herodes asin sa gabos na minamawot na mangyari kan mga Judio.”

Mga Gibo 12:7

Bigla sanang nagtunga an sarong anghel nin Kagurangnan, dangan nagliwanag sa laog kan bilanggoan. Yinogyog kan anghel si Pedro sa abaga saka sinabihan, “Dali! Magbangon ka!” Natangkas an mga kadena sa mga kamot ni Pedro.

Mga Gibo 16:36

Kaya sinabihan si Pablo kan bantay, “Nagboot an mga opisyal na butasan ka na asin si Silas. Kaya pwede na kamong lumuwas; mayong mangyayari saindo.”

Mga Gibo 5:19

Alagad kan bangging idto, binuksan kan anghel nin Kagurangnan an pintoan kan bilanggoan, ilinuwas sinda dangan sinabihan,

Mga Gibo 7:19

Dinaya kan hadeng ini an satong banwaan asin ipinagboot niya sa satong mga ginikanan na itapok an saindang mga omboy tanganing magkagaradan.

Josue 3:13

Sa oras na magtungtong na sa tubig an mga padi na nagdadara kan Kaban nin Tipan nin Kagurangnan kan bilog na daga, maontok sa pagbulos an Salog nin Jordan, asin matambak sa sarong lugar an tubig na nagbubulos paibaba.”

Josue 3:17

Mantang naglalakaw sa mamarang daga an mga Israelita, dai naghale sa tahaw kan nagmarang salog an mga padi na nagpapasan kan Kaban nin Tipan sagkod na nakabalyo an gabos na tawo.

Josue 4:10

An mga padi nagtirindog sa tahaw kan Jordan sagkod na natapos an mga ipinagboot nin Kagurangnan ki Josue na gibohon kan mga tawo. Ini an ipinagboot ni Moises. Naghidali an mga tawo sa pagbalyo sa salog.

Josue 4:18

asin kan makaabot na sa pangpang kan salog an mga padi, nagbulos giraray an tubig asin binaha kaiyan an pangpang kan salog.

Kapahayagan 12:14

Alagad tinawan an babae nin duwang pakpak nin dakulang agila, tanganing makalayog siya, harayo sa dragon, pasiring sa kalangtadan, saen aatamanon siya sa laog nin tolo may kabangang taon.

Kapahayagan 12:4

Ginuyod niya kan saiyang ikog an ikatolong kabtang kan mga bitoon saka itinapok sa daga. Nagtindog siya sa atubangan kan babaeng madali nang mangaki, tanganing halonon an omboy pagkamundag kaiyan.

Kapahayagan 12:6

Nagdulag an babae pasiring sa kalangtadan, sa lugar na inandam para saiya nin Dios tanganing atamanon siya duman sa laog nin mil dos syentos sesentang aldaw.