Mateo 19:8 - Marahay na Bareta Biblia

⁸ Nagsimbag si Jesus, “Huli ta matagas an payo nindo kaya tinugotan kamo ni Moises na magsuhay sa saindong agom. Alagad bakong arog kaiyan sa kapinonan.

Mateo 19:8 ပူးပေါင်းရင်းမြစ်များ

Genesis 2:24

Kaya babayaan nin lalaki an saiyang ama saka ina dangan masaro sa saiyang agom na babae, asin sindang duwa magigin saro.

Genesis 7:7

Luminaog siya sa arka, kaiba an saiyang agom, an saiyang mga aki asin mga manugang, sa pagdulag sa baha.

Salmo 95:8

“Hare pagpatagasa an saindong mga puso, siring duman sa Meriba, siring kan aldaw sa Massa duman sa kalangtadan,

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Zacarias 7:12

asin pinatagas an saindang mga puso. Huli ta habo nindang dangogon an katukdoan na ipinadara ko sa paagi kan mga propeta na nabuhay kaidtong panahon. Kaya naanggot ako nin marahay.

Mateo 19:7

Naghapot an mga Fariseo, “Kun siring, tadaw ta si Moises nagboot na an lalaki magtao nin kasuratan nin pakisuhayan sa saiyang agom bago siya suhayan?”

Mateo 19:9

Sinasabihan ko kamo, an lalaking magsuhay sa saiyang agom na dai man nagpasambay, dangan uminagom nin iba, nagkakasala nin adulteryo. An uminagom sa babaeng sinuhayan, nagkakasala man nin adulteryo.”

Mateo 3:15

“Bayaan mong mangyari ini ngunyan, huli ta sa paaging ini maootob ta an hinahagad nin Dios,” an simbag ni Jesus. Kaya nag-oyon si Juan.

Mateo 8:31

Nakimaherak ki Jesus an mga demonyong ini, “Kun papaluwason mo kami, tugote kaming maglaog sa mga orig.”

Markos 10:5

Sinabihan sinda ni Jesus, “Nagsurat si Moises kaining togon para saindo huli sa katagasan kan payo nindo.

Markos 16:14

Pakatapos, nagpahiling si Jesus sa onse niyang disipulo mantang nagkakakan sinda. Tinuyaw niya sinda kan dai ninda pagtubod asin kan katagasan kan saindang mga puso huli ta dai sinda nagtubod sa mga nakahiling na buhay siya liwat.

1 Corinto 7:6

Sinasabi ko ini saindo bilang sarong pagtugot, bakong pagboot.

1 Samuel 25:43

Agom na ni David si Ahinoam na taga Jezreel, asin ngunyan nagin agom man niya si Abigail.