Mateo 19:7 - Marahay na Bareta Biblia

⁷ Naghapot an mga Fariseo, “Kun siring, tadaw ta si Moises nagboot na an lalaki magtao nin kasuratan nin pakisuhayan sa saiyang agom bago siya suhayan?”

Mateo 19:7 ပူးပေါင်းရင်းမြစ်များ

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Malakias 2:16

Nagsasabi an Kagurangnan Dios nin Israel, “Ikinakaongis ko an pagsuhayan nin mag-agom. Ikinakaongis ko iyan orog na kun an saro saindo minagibo kan makuring bagay na ini sa saiyang agom. Kaya mag-ingat kamo na dai nindo malapas an saindong panuga na magin maimbod sa saindong agom.”

Mateo 1:19

Si Jose sarong matanos na lalaki asin habo niyang masopgan si Maria; kaya nag-isip siyang suhayan ini sa hilom.

Mateo 19:6

Kaya sinda bako nang duwa kundi saro sana. Kun siring, dai dapat pagsuhayon nin tawo an pinagsaro nin Dios.”

Mateo 19:8

Nagsimbag si Jesus, “Huli ta matagas an payo nindo kaya tinugotan kamo ni Moises na magsuhay sa saindong agom. Alagad bakong arog kaiyan sa kapinonan.

Mateo 5:31

“Itinukdo man kaidto, ‘An siisay man na magsuhay sa saiyang agom, dapat tawan niya kan kasuratan nin pakisuhay.’

Markos 10:4

Nagsimbag sinda, “Itinugot ni Moises na suhayan kan lalaki an saiyang agom pakatapos na maggibo nin kasuratan nin pagsuhay.”