Mateo 19:22 - Marahay na Bareta Biblia

²² Kan madangog ini kan hoben, mamondo siyang naghale huli ta mayamanon siya.

Mateo 19:22 ပူးပေါင်းရင်းမြစ်များ

Salmo 17:14

ligtasan ako kan saimong kamot, Kagurangnan, sa mga tawo na an kabtang sa buhay yaon digdi sa kinaban. Padusahan mo sinda kan mga pasakit na saimong inandam. May matada pa logod para sa saindang kaakian, asin para sa saindang kapagarakian.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Mateo 13:22

An mga banhing nakasabwag sa lugar na matonok garo idtong mga tawo na nagdadangog kan tataramon, alagad an tataramon pinopoot kan mga kahaditan sa buhay na ini asin kan pagkamoot sa kayamanan, kaya dai nagbubunga.

Mateo 14:9

Namondo an hade, alagad huli kan saiyang sumpa sa atubang kan gabos niyang bisita, nagboot siyang itao an hagad kan daraga.

Mateo 16:26

Huli ta anong pakinabang nin sarong tawo, makamtan man niya an bilog na kinaban kun mawara an saiyang buhay? O ano an ikakatubos kan tawo tanganing makamtan niya giraray iyan?

Mateo 19:21

Sinabihan siya ni Jesus, “Kun boot mong magin matanos, lakaw, ipabakal mo an anoman na rogaring mo, asin an kabaklan ipanao mo sa mga dukha, dangan magkakaigwa ka nin kayamanan sa langit; pakatapos, magbalik ka asin sumunod sako.”

Mateo 19:23

Kaya nagsabi si Jesus sa saiyang mga disipulo, “Sa katotoohan sinasabihan ko kamo, masakit nanggad para sa sarong mayaman an makalaog sa Kahadean nin langit.

Mateo 6:24

“Mayong makakapaglingkod sa duwang kagurangnan, huli ta ikakaongis niya an saro asin mamomotan an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios asin sa kayamanan.

Markos 10:22

Kan madangog ini kan lalaki, nagmurusdot siya dangan mamondong naghale huli ta mayamanon siya.

Markos 6:26

Namondo nin makuri an hade, alagad dai niya nasayumahan an daraga huli ta nagsumpa siya sa atubangan kan gabos niyang mga bisita.

Lukas 18:23

Alagad kan madangog ini kan lalaki, namondo siya huli ta mayaman siya.

Juan 16:20

Sa katotoohan sinasabihan ko kamo, magtatangis kamo saka magmomondo, alagad an kinaban mag-oogma; magmomondo kamo, alagad mariribayan iyan nin kaogmahan.

Efeso 5:5

Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).