Mateo 19:17 - Marahay na Bareta Biblia

¹⁷ Nagsimbag si Jesus, “Tadaw ta naghahapot ka sako kun ano an marahay? Saro sana an marahay—an Dios. Kun boot mong magkamit nin buhay otoba an mga togon.”

Mateo 19:17 ပူးပေါင်းရင်းမြစ်များ

Levitico 18:5

Sunodon nindo an mga pagboot saka mga togon na itinatao ko saindo; iyan an maligtas saindo. Ako an Kagurangnan.”

Roma 10:5

Ini an sinurat ni Moises mapadapit sa kun paano nagigin matanos an tawo sa Dios huli sa pagkuyog kan Katogonan: “An nag-ootob kan Katogonan mabubuhay huli kaiyan.”

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.

1 Juan 4:16

Aram ta saka nananarig kita sa pagkamoot nin Dios sato. An Dios pagkamoot, asin an tawong nagdadanay sa pagkamoot nagdadanay sa Dios, asin an Dios nagdadanay saiya.

Ezekiel 20:21

“Alagad an henerasyon na idto nagtumang man sako. Dai sinda naglakaw sosog sa sakong mga pagboot asin sinuhay ninda an sakong mga togon, na nagdadara nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

Salmo 52:1

O dakulang tawo, tadaw ta ipinaghahambog mo an saimong karatan, na ginibo mo tumang sa tawong banal?

Salmo 119:68

Marahay ka asin naggigibo nin karahayan; tukdoe ako kan saimong mga kabotan.