Mateo 19:14 - Marahay na Bareta Biblia

¹⁴ Alagad nagsabi si Jesus, “Pabayae nindong magdolok sako an mga aki. Dai nindo sinda pag-olangon huli ta para sa mga arog sainda an Kahadean nin langit.”

Mateo 19:14 ပူးပေါင်းရင်းမြစ်များ

Genesis 21:4

asin kan walong aldaw na an aki, sinerkomsisyon siya ni Abraham sosog sa pagboot nin Dios.

Mateo 11:25

Kan oras na idto, nagtaram si Jesus, “O Ama, Kagurangnan nin langit asin daga! Nagpapasalamat ako saimo ta ipinahayag mo sa mga mangmang an mga bagay na tinago mo sa mga madonong asin sa mga may inadalan.

Mateo 18:3

dangan nagsabi, “Sa katotoohan sinasabihan ko kamo, kun dai kamo magbakle asin magin siring sa mga aking sadit, dai nanggad kamo makakalaog sa Kahadean nin langit.

Mateo 19:15

Benendisyonan niya an mga aki dangan huminale siya.

Mateo 5:10

“Paladan an mga pinapasakitan dahel sa katanosan, huli ta sainda an Kahadean nin langit!

Mateo 5:3

“Paladan an mga dukha sa espiritu, huli ta sainda an Kahadean nin langit!

Markos 10:14

Kan mahiling ini ni Jesus, naanggot siya asin sinabihan sinda, “Pabayae nindong magdolok sako an mga aki! Dai nindo sinda pag-olangon, huli ta para sa mga arog sainda an Kahadean nin Dios.

Markos 10:15

Sa katotoohan sinasabihan ko kamo, an siisay man na dai umako kan Kahadean nin Dios siring sa aking sadit dai nanggad makakalaog diyan.”

1 Corinto 14:20

Mga tugang, dai kamo mag-isip na garo aki. Kun manongod sa karatan, magin kamong siring sa aki, alagad mag-isip kamo siring sa gurang.

Hukom 13:7

Alagad sinabihan niya ako na mabados daa ako asin mangangaki nin lalaki. Dai daa ako dapat na mag-inom nin arak o ano man na maisog na inomon, ni magkakan kan arin man sa mga ipinapangalad na pagkakan, huli ta an aki lalaenon para sa Dios bilang sarong Nazireo sagkod na siya magadan.”

1 Samuel 1:11

Nagsumpa si Hanna, “O Kagurangnan nin mga hukbo, hilinga an pagtios ko an saimong sorogoon, asin giromdoma ako! Hare ako paglingawe! Kun tawan mo ako nin aking lalaki, nanunuga ako na lalaenon ko siya para saimo sa bilog niyang pagkabuhay asin dai nanggad puputolon an saiyang buhok.”

1 Samuel 1:22

Alagad dai nag-iba si Hanna. Sinabihan niya an saiyang agom, “Sa oras na mabutas an aki, dadarahon ko siya sa harong nin Kagurangnan asin duman na siya mag-eerok sa bilog niyang pagkabuhay.”

1 Samuel 1:24

Kan mabutas na an aki, dinara siya ni Hanna sa Shilo. Nagdara man siya nin sarong lalaking baka na tolong taon an edad, sampolong kilong arina asin sarong lalagan na anit na pano nin arak. Si Samuel, na aki pang marahay, dinara niya sa harong nin Kagurangnan sa Shilo.

1 Samuel 2:18

Padagos man na naglilingkod kaidto si Samuel sa Kagurangnan, sulot an sarong linong efod.