Mateo 18:6 - Marahay na Bareta Biblia

⁶ “An siisay man na magin dahelan nin pagkasala kan saro sa mga saradit na ini na minatubod sako, mas marahay pang tagulnodan siya nin gapong gilingan sa liog dangan lunodon sa tahaw kan dagat.

Mateo 18:6 ပူးပေါင်းရင်းမြစ်များ

Salmo 105:15

Nagtaram siya, “Dai nindo pagdutaan an sakong mga linahidan; an sakong mga propeta dai nindo pagkulogan.”

Zacarias 13:7

Nagtataram an Kagurangnan nin mga hukbo, “Pagmata, espada, asin salakaya an pastor na nagtatrabaho para sa sako! Gadana siya tanganing magkawararak an mga karnero. Sasalakayon ko an sakong banwaan

Zacarias 2:8

An siisay man na makikiaram saindo, makikiaram kan pinakamahalaga para sako.” Kaya sinugo ako kan Kagurangnan nin mga hukbo na darahon an mensaheng ini sa mga nasyon na nanamsam kan saiyang banwaan;

Mateo 17:27

Alagad nganing dai ta mapamondo an mga tawong ini, dumuman ka sa danaw saka mamanwit ka. Kuaha an enot mong masubad; sa ngoso kaiyan may makukua kang kwartang plata. Ibayad mo iyan para sa buhis tang duwa.”

Mateo 18:10

“Dai nanggad nindo pagbasang-basangon an arin man sa mga saradit na ini. Sinasabihan ko kamo, an saindang mga anghel sa langit danay na nasa atubang kan sakong Ama sa langit.

Mateo 18:14

Huli ta habo kan saindong Ama sa langit na mawara an arin man sa mga saradit na ini.

Mateo 18:5

An siisay man na minaako sa arog kaining aki sa ngaran ko, minaako sako.

Markos 9:42

“An siisay man na magin dahelan kan pagkasala kan saro sa mga saradit na ini na minatubod sako, mas marahay pang tagulnodan an liog niya nin gapong gilingan dangan iapon sa dagat.

Mga Gibo 9:5

Naghapot si Saulo, “Siisay ka, Kagurangnan?” Nagsimbag an tingog, “Ako si Jesus na pinapasakitan mo.

Roma 14:21

An dapat mong gibohon iyo na dai ka magkakan nin karne, mag-inom nin arak o maggibo nin anoman na makakapakasala sa tugang mo.