Mateo 18:16 - Marahay na Bareta Biblia

¹⁶ Alagad kun dai ka niya dangogon, mag-iba ka nin saro o duwa katawo tanganing an lambang tataramon mapatotoohan kan duwa o tolong saksi.

Mateo 18:16 ပူးပေါင်းရင်းမြစ်များ

1 Mga Hade 21:13

Naglaog an duwang mayong halagang tawo, nagtukaw sa atubangan ni Nabot asin nagsumbong nin siring kaini laban saiya: “Minaldisyon ni Nabot an Dios saka an hade.” Kaya dinara ninda siya sa luwas kan syudad asin ginapo sagkod na nagadan.

Mga Bilang 35:30

“An sarong tawo na idinimanda nin paggadan pwede sanang mapatotoohan na nagkasala asin pwedeng magadan huli sa patotoo nin mga saksi. Mayo nin gagadanon huli sa patotoo nin saro sanang saksi.

Juan 8:17

Nasusurat sa saindong Katogonan na an patotoo nin duwang saksi, totoo.

2 Corinto 13:1

Ikatolong beses na ini ngunyan na madalaw ako diyan saindo. “An anoman na sumbong dapat na mapatotoohan nin duwa o tolong saksi,” sosog sa nasusurat.

Deuteronomio 17:6

Alagad gagadanon sana siya kun igwa nin duwa o tolo na magsaksi laban saiya; dai siya gagadanon kun saro sana an saksi.

Deuteronomio 19:15

“Kulang an saro sanang saksi tanganing makondenar an sarong tawo para sa ano man na krimen; duwa o tolong saksi an kaipuhan sa pagpatotoo na an tawo nagkasala.

1 Timoteo 5:19

Dai ka magdangog kan anoman na sumbong tumang sa saro kan kamagurangan pwera sa patotoo nin duwa o tolong saksi.

Hebreyo 10:28

An siisay man na naglapas kan Katogonan ni Moises ginagadan na daing herak, sa patotoo nin duwa o tolong saksi.

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”