Mateo 16:6 - Marahay na Bareta Biblia

⁶ Sinabihan sinda ni Jesus, “Maglikay kamo sa lebadura kan mga Fariseo asin mga Saduceo.”

Mateo 16:6 ပူးပေါင်းရင်းမြစ်များ

Levitico 2:11

Dai nanggad kamo magdara nin dolot na pagkakan sa Kagurangnan na may lebadura; dai kamo maggamit nin lebadura o dugos sa saindong mga dolot na pagkakan para sa Kagurangnan.

Mateo 16:1

Nagkapirang mga Fariseo asin mga Saduceo an nagduman ki Jesus. Boot nindang masudyaan si Jesus kaya hinagadan siya ninda nin sarong tanda hale sa langit.

Mateo 16:11

Tadaw ta dai nindo nasasabotan na bakong tinapay an boot kong sabihon? Maglikay kamo sa lebadura kan mga Fariseo asin mga Saduceo.”

Mateo 16:12

Dangan pa sana nasabotan kan mga disipulo na bakong lebadura nin tinapay an boot sabihon ni Jesus kundi an katukdoan kan mga Fariseo asin mga Saduceo.

Mateo 16:5

Kan magbalyo sa ibong kan danaw an mga disipulo, nakalingaw sindang magdara nin tinapay.

Mateo 16:7

Nag-orolay-olay sinda, “Nagtaram siya kaini huli ta mayo kitang darang tinapay.”

Mateo 3:7

Kan mahiling ni Juan na dakul na Fariseo asin Saduceo an nag-abot tanganing magpabunyag, sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Markos 8:15

Pinatanidan sinda ni Jesus, “Maglikay kamo sa lebadura kan mga Fariseo saka sa lebadura ni Herodes.”

Lukas 12:1

Mantang rinibong tawo an nagkatiripon, mala ta nagkakatorongtongan na sinda, enot na tinaraman ni Jesus an mga disipulo, “Mag-ingat kamo sa lebadura kan mga Fariseo na iyo an pagsagin-sagin.

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Juan 4:33

Kaya nag-orolay-olay an mga disipulo, “Tibaad igwa nin nagdarang kakanon saiya.”

Galacia 5:9

May kasabihan, “Kadikit sanang lebadura an kaipuhan tanganing pausbogon an bilog na minasa.”