Mateo 16:23 - Marahay na Bareta Biblia

²³ Inatubang niya si Pedro asin sinabihan, “Rumayo ka sako, Satanas! Nakakaolang ka sa ginigibo ko, huli ta an iniisip mo bakong sa Dios, kundi sa tawo.”

Mateo 16:23 ပူးပေါင်းရင်းမြစ်များ

Genesis 3:17

Pakatapos, tinaraman niya si Adan, “Huli ta dinangog mo an saimong agom asin nagkakan ka kan bunga na dai ko saimo ipinapakakan, isinusumpa ko an daga huli saimo. Kaipuhan na maglapigot ka sa pagtrabaho sa bilog mong buhay tanganing magkaigwa ka nin pagkakan.

2 Samuel 19:22

Alagad nagsabi si David ki Abisai asin sa tugang kaining si Joab, “Siisay an naghagad saindo nin hatol? Kamo an matao sako nin problema? Ako na an hade sa Israel ngunyan, asin mayong magagadan na Israelita ngunyan na aldaw.”

1 Mga Cronica 21:1

Nagtindog si Satanas laban sa Israel asin dinagka si David na sensohon an banwaan nin Israel.

Isaias 8:14

Huli kan sakuyang makangangalas na kabanalan, arog ako sa sarong gapo na nasisingkogan nin mga tawo; arog ako sa sarong siod na madakop sa mga tawo kan kahadean nin Juda saka Israel asin sa mga taga Jerusalem.

Mateo 16:22

Isiniblag siya ni Pedro saka tinuyaw, “Kagurangnan, dai man logod iyan itugot nin Dios! Dai iyan mangyayari saimo!”

Mateo 18:7

Herak man sa kinaban huli sa mga nakakapakasala sa mga tawo! Kaipuhan nanggad na mag-abot an mga pagsugot, alagad herak man sa tawong nagigin dahelan nin pagkasala!

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Markos 8:33

Alagad inatubang ni Jesus an saiyang mga disipulo dangan inanggotan si Pedro, “Rumayo ka sako, Satanas! Huli ta an iniisip mo bakong sa Dios, kundi sa tawo.”

Lukas 4:8

Nagsimbag si Jesus, “Nasusurat, ‘Sambahon mo an Kagurangnan mong Dios asin siya sana an saimong paglingkodan!’”

Juan 6:70

Nagsimbag si Jesus, “Bakong ako an nagpili saindong dose? Alagad diablo an saro saindo!”

Roma 14:13

Kaya dai na kita maghukom sa kapwa. Kundi maghingowa nanggad na dai magin dahelan nin pagkasingkog o pagkasala kan sarong tugang.

Roma 14:21

An dapat mong gibohon iyo na dai ka magkakan nin karne, mag-inom nin arak o maggibo nin anoman na makakapakasala sa tugang mo.

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

Colosas 3:2

An isipon nindo iyo an mga bagay duman sa langit, bakong an mga bagay digdi sa daga.