Mateo 16:18 - Marahay na Bareta Biblia

¹⁸ “Kaya sinasabihan taka: Ika si Pedro, saro kang gapo asin sa ibabaw kan gapong ini papatindogon ko an sakong simbahan; dawa an kapangyarihan nin kagadanan dai nanggad makakadaog kaiyan.

Mateo 16:18 ပူးပေါင်းရင်းမြစ်များ

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

2 Samuel 18:4

Nagsimbag an hade, “Gigibohon ko an pinaghohona nindong marahay.” Dangan nagtindog siya sa may trangkahan mantang nagmamartsa paluwas an hukbo, sa grupo nin ginatos asin rinibo.

An Libro ni Job 38:17

Nahiling mo na daw an mga trangkahan nin kagadanan, o an mga trangkahan kan mahibog na kadikloman?

Salmo 107:18

hinaboan ninda an anoman na pagkakan asin harani na sinda sa kagadanan.

Salmo 127:5

Paladan an tawong igwa nin siring kadakul na mga bosog! Dai siya mamumugtak sa kasopogan kun makahampang niya sa hukoman an saiyang mga kaiwal.

Salmo 129:2

“Makuri akong pinasakitan kan sakong mga kaiwal poon kan ako aki pa, alagad dai ninda ako nadaog.

Salmo 69:12

Linilibak ako kan mga nagtutukaw sa may trangkahan; an mga awit kan mga burat ako an pinapatamaan.

Salmo 9:13

Maherak ka sako, O Kagurangnan! Hilinga an sakong mga kasakitan na gibo kan sakong mga kaiwal! Ligtasan ako sa kagadanan, O Kagurangnan,

Mga Talinhaga 24:7

An hararom na kasabihan dai masasabotan kan mangmang. Mayo siya nin ikakataram kun igwa nin mahalagang pag-orolay.

Isaias 28:16

Iyo ini ngunyan an sinasabi nin Kagurangnan Dios: “Mabugtak ako sa Sion nin sarong pundasyon na pusog saka makosog. Diyan ko ibubugtak an gapong patugmadan na nasusuratan kan mga tataramon, ‘An pagtubod na pusog matinios man.’

Isaias 28:6

Siya an matao kan espiritu nin hustisya sa mga naglilingkod bilang mga hukom, asin kan kosog nin boot sa mga nagbabantay kan syudad sa anoman na pagsalakay.

Isaias 38:10

Naghona ako na sa kaodtohan nin buhay maduman na ako sa kinaban kan mga gadan, tanganing duman na mag-erok sagkod pa man.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Jonas 2:6

Nakaabot ako sa mga gamot kan kabukidan, pasiring sa daga na an mga trangkahan danay na serado sagkod pa man. Alagad ika, O Kagurangnan na sakuyang Dios, an naghawas kan sakong buhay hale sa kairaroman.

Mateo 10:2

Ini an ngaran kan doseng apostol: enot si Simon na inaapod Pedro, asin an tugang niyang si Andres; si Santiago asin si Juan, na mga aki ni Zebedeo;

Mateo 11:23

Asin ika, Capernaum! Boot mong iitaas sagkod sa langit? Ihuhulog ka sa impyerno! Huli ta kun an mga milagro na ginibo saimo ginibo sa Sodoma, an banwaan na idto yaon pa kutana ngunyan!

Mateo 18:17

Kun dai niya kamo dangogon, isumbong mo siya sa simbahan. Kun sagkod sa atubangan kan simbahan, habo ka niyang dangogon, ibilang mo siyang sarong pagano o sarong parasingil nin buhis.

Mateo 4:18

Kan naglalakaw si Jesus sa baybayon kan Danaw nin Galilea, nahiling niya an magtugang na parasira, si Simon na inaapod Pedro asin si Andres. Nag-iitsa sinda kan hikot sa tubig.

Mateo 7:24

“An nagdadangog asin nagkukuyog kaining mga itinaram ko nakakaagid sa madonong na tawong nagtugdok kan harong niya sa gapo.

Juan 1:42

Ipinag-iba ni Andres si Simon ki Jesus. Kan mahiling ni Jesus si Simon, sinabihan niya ini, “Ika si Simon na aki ni Juan. Ngangaranan kang Cefas.” (An ngaran na ini pareho kan ngaran na Pedro na an kahulogan, “gapo.”)

Mga Gibo 2:47

Nag-oomaw sinda sa Dios; marahay an boot sainda kan gabos na tawo. Aroaldaw idinadagdag sainda an mga ilinigtas kan Kagurangnan.

Mga Gibo 20:28

Kaya ingati nindo an saindong sadiri asin an bilog na katiriponan na ipinapaataman saindo kan Espiritu Santo. Magin pastor kamo kan simbahan nin Dios, na nagin sadiri niya huli kan kagadanan nin saiyang Aki.

Mga Gibo 8:1

Nag-oyon si Saulo kan paggadan ki Esteban. Kan aldaw na idto, nagpoon na magtios nin makuring pasakit an simbahan sa Jerusalem. An gabos na paratubod, pwera kan mga apostol, nagkawaragas sa mga probinsya nin Judea asin Samaria.

1 Corinto 15:55

“O Kagadanan, haen an kapangganahan mo? O Kagadanan, haen na an saimong kapangyarihan sa pagkulog?”

Galacia 2:9

Nasabotan ni Santiago, ni Pedro saka ni Juan, midbid na mga lider, na tinawan ako nin Dios kan espesyal na trabahong ini. Kaya inabrasa ninda kami ni Bernabe sa pag-ako samo bilang kapwa trabahador. Nagkaoroyon kami gabos na matrabaho kami ni Bernabe sa mga pagano dangan sinda sa mga Judio.

Efeso 3:10

tanganing ikapahayag sa paagi kan simbahan, an daing kasagkoran na kadonongan nin Dios ngunyan sa manlaen-laen na paagi, sa mga prinsipado asin sa mga kapangyarihan sa kalangitan.

Efeso 5:32

Ini dakulang misteryo; ini sinasabi ko dapit ki Cristo asin sa simbahan.

Colosas 1:18

Siya an payo kan saiyang hawak na iyo an simbahan; siya an kapinonan, an enot na binuhay liwat sa mga gadan tanganing siya an magin pinakadakula sa gabos na bagay.

1 Timoteo 3:15

Alagad sinusuratan taka na kan mga bagay na ini tanganing kun maabala ako, aram mo na an maninigong gawe sa pamilya nin Dios, na iyo an simbahan kan buhay na Dios, an harigi saka balwarte kan katotoohan.

1 Timoteo 3:5

Huli ta kun an sarong tawo dai tataong magpadalagan kan sadiri niyang pamilya, paano siyang makapangataman kan simbahan nin Dios?

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 21:14

An kudal kan syudad napapatugmad sa doseng gapo na sa ibabaw kaiyan nakasurat an mga ngaran kan doseng apostol kan Kordero.