Mateo 16:14 - Marahay na Bareta Biblia

¹⁴ Nagsimbag sinda, “An sabi kan iba si Juan Bautista. An iba nagsasabi na si Elias, an iba naman nagsasabi na si Jeremias o saro kan mga propeta.”

Mateo 16:14 ပူးပေါင်းရင်းမြစ်များ

Jeremias 1:1

An librong ini iyo an kasuratan kan mga itinaram ni Jeremias, na aking lalaki ni Hilkias, na saro sa mga padi kan banwa nin Anatot, sa daga nin Benjamin.

Malakias 4:5

“Alagad bago dumatong an dakula saka makangirhat na aldaw nin Kagurangnan, ipapadara ko saindo an propetang si Elias.

Mateo 14:2

Sinabihan niya an mga opisyal, “Siya si Juan Bautista; nabuhay siya liwat kaya igwa nin kapangyarihan sa paggibo nin mga milagro.”

Mateo 16:15

Hinapot sinda ni Jesus, “Para saindo, siisay ako?”

Mateo 17:10

Dangan hinapot si Jesus kan mga disipulo, “Tadaw ta an mga paratukdo kan Katogonan nagsasabi na si Elias daa an enot na maabot?”

Mateo 3:1

Kan panahon na iyan, nag-abot si Juan Bautista asin nagpoon paghulit duman sa kalangtadan nin Judea.

Markos 6:15

Alagad an iba nagsabi, “Siya si Elias.” May iba pang nagsabi, “Propeta siya na arog kan mga propeta kaidtong panahon.”

Markos 8:28

Nagsimbag sinda, “May mga nagsasabing ika si Juan Bautista; an iba nagsasabing ika si Elias; an iba man nagsasabing saro ka sa mga propeta.”

Lukas 9:8

Igwa man na nagsasabi na nagpahiling si Propeta Elias. An iba nagsasabi na si Jesus saro daa sa mga propeta kaidto pang panahon na nabuhay liwat.

Juan 1:21

Naghapot giraray sinda, “Kun siring, siisay ka? Ika si Elias?” Nagsimbag si Juan, “Bako.” Naghapot naman sinda, “Ika an Propeta na maabot?” Nagsimbag siya, “Bako.”

Juan 7:12

Siya an pinag-orolayan kan katawohan. An iba nagsabi, “Marahay siyang tawo”; alagad an iba man nagsabi, “Bako, linoloko niya an mga tawo.”

Juan 9:17

Kaya hinapot giraray kan mga Fariseo an lalaki, “Ano an masasabi mo dapit sa nagpamuklat kan saimong mga mata?” “Propeta siya,” an simbag niya.