Mateo 15:14 - Marahay na Bareta Biblia

¹⁴ Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

Mateo 15:14 ပူးပေါင်းရင်းမြစ်များ

Isaias 31:3

Bakong mga dios an mga taga Egipto—mga tawo sana sinda. An saindang mga kabayo bakong mga espiritu, kundi laman. Kun unaton na nin Kagurangnan an saiyang kamot, magagaba an makosog na nasyon, asin mabagsak an maluyang nasyon na tinabangan kaini. Sabay sindang marurumpag.

Isaias 42:19

May makakaarog pa daw sa sakong sorogoon sa pagkabuta, o sa sakong sinugo sa pagkabongog?

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Isaias 9:16

Linagalag an mga tawo kan mga lider asin nagkariribong sinda.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Jeremias 6:15

Kan gibohon ninda an makauuyam na mga bagay na ini, nasopog daw sinda? Dai nanggad sinda nasopog; dai na ngani sinda namumula sa pagkasopog. Kaya mabagsak sinda, arog kan iba; iyan an magigin kataposan ninda kun padusahan ko na sinda. Ako, an Kagurangnan, an nagtaram.”

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Oseas 4:17

An mga taga Israel nadadara na kan kapangyarihan kan mga dios-dios; pabayaan na nindo sinda sa saindang gawe.

Malakias 2:8

“Alagad ngunyan, kamong mga padi, nagsuhay kamo sa tamang dalan; an saindong katukdoan iyo an dahelan kan pagkasingkog nin dakul na tawo. Linapas nindo an tipan na ginibo ko saindo.

Lukas 6:39

Inosipan pa sinda ni Jesus kan parabolang ini: “An sarong buta dai pwedeng magkabit sa kapwa buta; huli ta pareho sindang mahuhulog sa kalot.

Juan 9:39

Nagsabi si Jesus, “Nagdigdi ako sa kinaban sa paghukom, tanganing makahiling an mga buta asin mabuta an mga nakakahiling.”

1 Timoteo 6:5

dangan pasuruhay sa tahaw nin mga tawong dai naggagamit kan saindang mga isip asin dai nakakamidbid kan katotoohan. Naghohona sinda na an relihiyon sarong paagi nin pagpayaman.

2 Pedro 2:1

Kun kaidtong panahon may nagluwas na mga bakong tunay na propeta sa mga tawo, siring man may maluwas na mga bakong tunay na paratukdo diyan saindo. Hilom na itutukdo ninda an mga nakakaraot saka salang doktrina; nenegaran ninda an Kagurangnan na nagtubos sainda. Dahel kaiyan, biglang maabot sainda an kapahamakan.

2 Pedro 2:17

An mga tawong ini garo nagmarang burabod, saka mga panganoron na ipinapadpad nin makosog na doros; an Dios may inandam nang madiklom na kairaroman para sainda.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.