Mateo 14:20 - Marahay na Bareta Biblia

²⁰ Nagkarakan an gabos asin nagkabarasog. Pakatapos, tiniripon kan mga disipulo an mga natada, asin doseng basket pa an napano.

Mateo 14:20 ပူးပေါင်းရင်းမြစ်များ

Exodo 16:12

“Nadangog ko an mga reklamo kan mga Israelita. Sabihan mo sinda na pagsolnop kan aldaw magkakaigwa sinda nin karne, asin pagkaaga tatawan ko sinda nin bastanteng tinapay. Dangan mamimidbid ninda na ako an Kagurangnan, iyo an saindang Dios.”

Exodo 16:8

Dangan nagsabi pa si Moises, “An Kagurangnan an matao saindo nin makakakan na karne pagkabanggi asin bastanteng tinapay pagkaaga, huli ta nadangog niya an pagreklamo nindo saiya; ta siisay man baya kami? Sa katotoohan, kun kamo nagrereklamo samo, sa Kagurangnan kamo nagrereklamo.”

Mga Talinhaga 13:25

An matanos dai nahahalean nin pagkakan, alagad danay na gutom an tampalasan.

Levitico 26:26

Hahaleon ko an ginigikanan kan saindong pagkakan, kaya saro sanang pogon an magagamit nin sampolong babae tanganing lutoan kan gabos nindang tinapay. Irarasyon ninda iyan asin pakatapos nindong magkakan, dai man giraray kamo mababasog.

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Mateo 14:21

May limang ribong lalaki an nagkakan, dai kabilang an mga babae asin an mga aki.

Mateo 15:33

Sinabihan siya kan mga disipulo, “Saen man kita makua nin kakanon sa desyertong ini tanganing pakakanon sinda?”

Mateo 5:6

“Paladan an mga nagugutom asin napapaha sa katanosan, huli ta sinda pakababasogon!

Lukas 1:53

Binasog niya nin mga marahay na bagay an mga nagugutom, asin isinubol niya sa kadaihan an mga mayaman.

Lukas 9:17

Nagkarakan an gabos sagkod na nagkabarasog. Pakatapos, tinipon kan mga disipulo an mga natada asin doseng basket an napano.

Juan 6:7

Nagsimbag si Felipe, “Maski sa halagang dos syentos na kwartang plata na kakanon, dai magkakanigo nganing makakakan an gabos na tawong ini dawa tigdirikit sana.”