Mateo 12:39 - Marahay na Bareta Biblia

³⁹ Nagsimbag si Jesus, “An maraot asin daing Dios na henerasyon naghahagad nin tanda; alagad mayong tanda na itatao sainda kundi an tanda ni Propeta Jonas.

Mateo 12:39 ပူးပေါင်းရင်းမြစ်များ

2 Mga Hade 14:25

Nabawi niya an gabos na teritoryo na pagsadiri kan Israel, magpoon sa dalan nin Hamat sagkod sa Gadan na Dagat, sosog sa tataramon nin Kagurangnan, an Dios nin Israel, kan siya magtaram sa paagi kan sorogoon niyang si Propeta Jonas na aking lalaki ni Amitai, na taga Gat-hefer.

Isaias 57:3

Alagad madya digdi, kamo na mga parakasala! Dai kamong kalaenan sa mga parakulam, mga parasambay asin mga maraot na babae.

Jonas 1:1

Sarong aldaw, nagtaram an Kagurangnan ki Jonas na aking lalaki ni Amittai.

Mateo 16:4

An maraot asin daing-Dios na henerasyon naghahagad nin tanda, alagad mayong tanda na itatao sainda kundi an tanda ni Jonas.” Dangan binayaan niya sinda.

Markos 8:12

Naghangos nin hararom si Jesus asin nagsabi, “Tadaw ta an henerasyon na ini naghahagad nin tanda? Sa katotoohan sinasabihan ko kamo, na mayong ipapahiling na tanda sa henerasyon na ini!”

Markos 8:38

An siisay man na ikasopog ako asin an mga katukdoan ko sa atubang kan mga tawong masombikal asin parakasala, ikakasopog man kan Aki nin Tawo sa aldaw nin saiyang pagdatong sa kamurawayan nin saiyang Ama kaiba an mga banal na anghel.”

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.