Mateo 12:20 - Marahay na Bareta Biblia

²⁰ dai niya babarion an nagruyong nang bariw, dai man niya paparongon an maromirom nang ilaw. Magpapadagos siya sagkod na manggana an katanosan;

Mateo 12:20 ပူးပေါင်းရင်းမြစ်များ

2 Mga Hade 18:21

Nagsasarig siya ngunyan sa Egipto, an baring sugkod na bariw na matusok nin kamot kan siisay man na minasarig saiya? Arog kaiyan an hade nin Egipto sa gabos na minasarig saiya.”

Salmo 147:3

Binobolong niya an mga pusong naraot, an mga lugad ninda saiyang binubugkos.

Salmo 51:17

O Dios, espiritung nagsosolsol an sakong atang; mapakumbaba asin nagsosolsol na puso dai mo isisikwal.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Ezekiel 34:16

“Hahanapon ko an mga karnerong nawara, ibabalik ko an mga nalagalag, bubugkosan ko an mga nalugadan, asin bobolongon an mga may helang; alagad an mga karnerong matataba saka makokosog sakuyang gagadanon, huli ta ako sarong pastor na naggigibo nin matanos.

Levitico 10:20

Kan madangog ini ni Moises, dai na siya naggirong.

Mateo 11:28

“Madya kamo sako, kamo gabos na napapagal asin nagagabatan, ta tatawan ko kamo nin kapahingaloan.

Mateo 11:7

Pakahale kan mga disipulo, nagtaram si Jesus sa mga tawo dapit ki Juan, “Ano an pinaghona nindong mahiling kan magduman kamo sa kalangtadan? Sarong bariw na pinagpapalid-palid nin doros?

Lukas 4:18

“Nasa sako an Espiritu nin Kagurangnan, huli ta linahidan niya ako sa paghulit kan Marahay na Bareta sa mga dukha. Sinugo niya ako sa pagpahayag kan katalingkasan sa mga bihag, sa pagtao nin pakahiling sa mga buta, sa pagpatalingkas sa mga inaapi,

2 Corinto 2:14

Alagad salamat sa Dios, na danay na nangengenot samo sa kapangganahan ki Cristo, asin huli samo nagpapalakop kan pahamot nin pakaaram dapit ki Cristo sa gabos na lugar.

2 Corinto 2:7

Kaya ngunyan, dapat patawadon na nindo siya saka rangahon, tanganing dai siya magmondo nin makuri, asin mawaraan nin paglaom.

Kapahayagan 6:2

Nahiling ko an sarong kabayong puti. An nangangabayo may kapot na pana, asin tinawan siya nin korona. Dangan nagluwas siya bilang sarong mapanggana tanganing padagos pang manggana.