Mateo 12:14 - Marahay na Bareta Biblia

¹⁴ Nagluwas an mga Fariseo asin nag-orolay kun paano ninda ikapagadan si Jesus.

Mateo 12:14 ပူးပေါင်းရင်းမြစ်များ

Mateo 26:4

asin nagplano sindang hilom na dakopon si Jesus saka ipagadan.

Mateo 27:1

Pagkaaga, pinagkaoroyonan kan gabos na poon na mga padi asin mga kamagurangan na ipagadan si Jesus.

Markos 14:1

Duwang aldaw na sana bago an kapyestahan kan Paskwa asin kan Tinapay na Mayo nin Lebadura. Naghanap nin paagi an mga poon na padi saka an mga paratukdo kan Katogonan kun paano ninda hilom na ikapadakop si Jesus asin ikapagadan.

Markos 3:6

Pakatapos, nagluwas sa sinagoga an mga Fariseo asin nakipagtagbo tolos sinda sa mga kakampi ni Herodes asin nag-orolay sinda kun paano ninda magagadan si Jesus.

Lukas 22:2

Naghanap nin paagi an mga poon na padi asin an mga paratukdo kan Katogonan kun paano ipagadan si Jesus, huli ta takot sinda sa mga tawo.

Lukas 6:11

Grabe an kaanggotan kan mga paratukdo kan Katogonan asin kan mga Fariseo kaya pinag-orolayan ninda kun ano an dapat nindang gibohon ki Jesus.

Juan 10:31

Nagpurot giraray nin mga gapo an mga tawo nganing gapoon si Jesus.

Juan 10:39

Boot giraray nindang dakopon si Jesus, alagad nakadulag siya.

Juan 11:53

Poon kaidto nagplano sinda kun paano nindang ikapagadan si Jesus.

Juan 11:57

An mga poon na padi asin an mga Fariseo nagboot na an siisay man na nakakaaram kun haen si Jesus, magsumbong sainda tanganing ikapadakop ninda siya.

Juan 5:18

Orog na pinaghumotan siyang gadanon kan mga Judio huli ta bako sanang linapas niya an katogonan dapit sa Sabbath, kundi huli ta nagsabi pa siya na an Dios iyo an saiyang Ama; kaya ipinapahiling niyang kapantay siya nin Dios.

Juan 7:30

Boot nindang dakopon siya, alagad mayong nangahas magdakop saiya, huli ta bako pa idto an oras niya.

Juan 7:32

Nadangog kan mga Fariseo an orolay kan mga tawo dapit ki Jesus, kaya sinda asin an mga poon na padi nagpadara nin nagkapirang mga bantay sa Templo nganing dakopon si Jesus.

Juan 7:44

Boot siyang dakopon kan nagkapira, alagad mayong nangahas na magdakop saiya.

Juan 8:59

Kaya nagpurot sinda nin mga gapo na igagapo saiya, alagad nagtago si Jesus saka luminuwas sa Templo.