Mateo 12:10 - Marahay na Bareta Biblia

¹⁰ Igwa duman nin sarong lalaking paralisado an kamot. Igwa man nin nagkapirang tawo na boot makakua nin dahelan nganing isumbong si Jesus. Kaya hinapot ninda siya, “Tugot daw sa Katogonan an pagbolong sa aldaw na Sabbath?”

Mateo 12:10 ပူးပေါင်းရင်းမြစ်များ

Isaias 32:6

An sarong lolong nagtataram nin kalolongan asin nag-iisip nin karatan; an sinasabi saka ginigibo niya anas pag-olog-olog sa Kagurangnan; dai niya pinapakakan an nagugutom o pinapainom an napapaha.

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Isaias 59:4

Minasangat kamo nin kaso, alagad bako man tama an saindong sumbong. An kaputikan iyo an saindong sinasarigan tanganing manggana kamo sa saindong kaso. Pinapadagos nindo an saindong mga plano nganing makulogan an iba.

Zacarias 11:17

Herak man sa mayong halagang pastor na idto! Pinabayaan niya an saiyang mga karnero. Roronoton nanggad nin gera an saiyang kapangyarihan. Mawawaraan nin kosog an saiyang kamot, asin mabubuta an too niyang mata.”

Mateo 12:2

Kan mahiling ini kan mga Fariseo, sinabihan ninda si Jesus, “Hilinga, an saimong mga disipulo naggigibo kan ipinapangalad na gibohon kun Sabbath!”

Mateo 19:3

Nagkapirang mga Fariseo an nagdolok sa patukso saiya sa paagi nin paghapot, “Tugot daw kan satong Katogonan na suhayan kan lalaki an saiyang agom sa anoman na dahelan?”

Markos 3:2

Binantayan si Jesus kan nagkapirang tawo duman kun bobolongon niya an lalaki sa aldaw na Sabbath tanganing ikasumbong ninda siya.

Lukas 11:54

tanganing madakop siya ninda sa saiya man sanang tataramon.

Lukas 13:14

Alagad naanggot an opisyal kan sinagoga huli ta nagbolong si Jesus sa aldaw na Sabbath. Kaya nagtaram sa mga tawo an opisyal, “Igwa nin anom na aldaw na kita dapat magtrabaho, kaya sa mga aldaw na iyan kamo magdigdi sa pagpabolong, bakong sa aldaw na Sabbath!”

Lukas 20:22

Ngunyan, tugot daw sa satong Katogonan na magbayad kita nin buhis ki Cesar o dai?”

Lukas 23:14

saka sinabihan, “Dinara nindo sako an tawong ini huli ta sabi nindo nagpaparibok siya sa mga tawo. Hinapot ko siya digdi sa atubangan nindo, alagad dai ko napatunayan na nagkasala siya kan mga isinumbong nindo tumang saiya;

Lukas 23:2

Duman isinumbong siya ninda, “Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.”

Juan 5:10

Kaya tinaraman kan mga Judio an lalaking narahay, “Sabbath ngunyan; dai tugot sa Katogonan na magdara ka kan saimong banig.”

Juan 5:3

Naghihigda duman an dakul na naghehelang—mga buta, pilay, asin paralitiko. Naghahalat sinda kan paghiro kan tubig,

Juan 7:23

Kun siniserkomsisyon an sarong aking lalaki maski sa aldaw na Sabbath nganing masunod an pagboot ni Moises, tadaw ta naaanggot kamo sako ta binolong ko sa aldaw na Sabbath an sarong naghehelang?

Juan 8:6

Ihinapot ninda ini sa pagbalo saiya, tanganing igwa sinda nin ikasumbong tumang saiya. Nagduko si Jesus saka nagsurat sa daga sa paagi kan saiyang muro.

Juan 9:16

An iba kan mga Fariseo nagsabi, “Bakong hale sa Dios an tawong naggibo kaiyan huli ta dai niya kinukuyog an togon dapit sa Sabbath.” Alagad an iba nagsabi, “Paanong makagibo nin ngangalasan na arog kaini an sarong parakasala?” Sinda mismo dai nagkaoroyon.