Mateo 11:13 - Marahay na Bareta Biblia

¹³ huli ta an gabos na propeta asin an Katogonan ni Moises naghula sagkod sa panahon ni Juan.

Mateo 11:13 ပူးပေါင်းရင်းမြစ်များ

Malakias 4:6

Gigibohon niyang magharani giraray an boot kan mga mag-arama; kun dai niya iyan magibo, ako na an madatong sa pagraot kan daga.”

Mateo 11:12

Poon na maghulit si Juan sagkod ngunyan, an Kahadean nin langit nagtitios nin kadahasan; hinihingowa ining laglagon kan mga madahas;

Mateo 11:14

Kun boot nindong tubodon ini, si Juan iyo an Elias na maabot.

Lukas 24:27

Dangan ipinaliwanag sainda ni Jesus an sinasabi dapit saiya sa gabos na kasuratan, magpoon sa mga libro ni Moises sagkod sa mga surat kan gabos na propeta.

Lukas 24:44

Pakatapos, sinabihan niya sinda, “Iyo ini an mga sinabi ko saindo kan kaiba pa nindo ako: dapat maotob an gabos na isinurat dapit sako sa Katogonan ni Moises, sa kasuratan kan mga propeta asin sa mga Salmo.”

Mga Gibo 13:27

Huli ta an mga tawong nag-eerok sa Jerusalem, saka an saindang mga lider, dai nakamidbid na si Jesus an Paraligtas. Dai man ninda nasabotan an mga tataramon kan mga propeta na pinagbabasa sa sinagoga kun aldaw na Sabbath; sinda mismo an nag-otob kan sinabi kan mga propeta kan hatolan ninda si Jesus.

Roma 3:21

Alagad ipinahayag na ngunyan kun paano nin Dios pinangagin matanos an tawo saiya. Iyan bakong sa paagi nin Katogonan, maski an Katogonan asin an mga propeta nagpatotoo dapit kaiyan.