Mateo 10:6 - Marahay na Bareta Biblia

⁶ Kundi hanapon nindo an mga nalalagalag na Israelita.

Mateo 10:6 ပူးပေါင်းရင်းမြစ်များ

Salmo 119:176

Nalagalag ako siring sa sarong nawawarang karnero; hanapa an saimong sorogoon, huli ta dai ko nalilingawan an saimong katogonan.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Ezekiel 34:16

“Hahanapon ko an mga karnerong nawara, ibabalik ko an mga nalagalag, bubugkosan ko an mga nalugadan, asin bobolongon an mga may helang; alagad an mga karnerong matataba saka makokosog sakuyang gagadanon, huli ta ako sarong pastor na naggigibo nin matanos.

Ezekiel 34:4

Dai nindo pinakosog an mga maluluya, dai binolong an mga naghehelang, dai binugkosan an mga nalugadan, dai ibinalik an mga nalagalag, asin dai hinanap an mga nawara. Embes kaiyan ipinamate nindo sainda an saindong kakurihan saka kadahasan.

Ezekiel 34:6

Kaya an sakong mga karnero nagkaralagalag sa kabukidan saka sa kabubuldan. Nagkawararak sinda sa bilog na daga asin mayo man lamang nin naghanap saka naghingowang makua sinda.

Ezekiel 34:8

Ako an Dios na buhay, kaya mas marahay para saindo na maghinanyog kamo sako. An sakong mga karnero sinalakay kan mga lalaw na hayop, ginadan sinda dangan kinakan, huli ta mayo sinda nin pastor. An mga karnero dai hinanap kan sakong mga pastor. Inataman ninda an saindang sadiri asin bakong an mga karnero.

Mateo 18:10

“Dai nanggad nindo pagbasang-basangon an arin man sa mga saradit na ini. Sinasabihan ko kamo, an saindang mga anghel sa langit danay na nasa atubang kan sakong Ama sa langit.

Mateo 18:11

(Huli ta an Aki nin Tawo nagdigdi sa pagligtas kan nawawara.)

Lukas 24:47

sa ngaran niya ipaghuhulit sa gabos na tawo, poon sa Jerusalem, an pagbakle asin an kapatawadan nin mga kasalan.

Mga Gibo 13:46

Alagad orog na nagkosog an boot ni Pablo asin ni Bernabe. Sinabihan ninda an mga tawo, “Kaipuhan na sa saindo ngona ipahayag an tataramon nin Dios. Alagad huli ta dai nindo iyan inako, asin dai nindo ibinilang an saindong mga sadiri na maninigo sa buhay na daing kataposan, maduman kami sa mga pagano.

Mga Gibo 18:6

Kan sinalungat siya ninda saka pinag-olog-olog, pinagpag niya an alpog sa saiyang gubing dangan sinabihan sinda, “Kamo an babasolon kun kamo mapahamak; bakong ako! Magpoon ngunyan, maduman ako sa mga pagano.”

Mga Gibo 26:20

Naghulit ako, enot sa Damasco, sunod sa Jerusalem dangan sa bilog na rehiyon nin Judea. Naghulit man ako sa mga pagano, tanganing magbakle saka magbalik sinda sa Dios, asin ipahiling sa gibo na sinda nagbakle.

Mga Gibo 3:26

Kaya pinili nin Dios an saiyang Sorogoon; kamo an enot na pinadumanan saiya, tanganing bendisyonan dangan tabangan kamong tumalikod sa karatan.”

1 Pedro 2:25

Kaidto garo kamo mga karnerong nagkaralagalag, alagad ngunyan nagbalik na kamo sa Pastor asin Paraataman kan saindong mga kalag.