Mateo 10:42 - Marahay na Bareta Biblia

⁴² An siisay man na magpainom nin maski sarong basong tubig sa saro kan pinakasadit na disipulo ko huli ta siya sakong disipulo, totoong maako nin balos.”

Mateo 10:42 ပူးပေါင်းရင်းမြစ်များ

1 Mga Hade 17:11

Kan mahale na an balo tanganing magkua nin tubig, inapod siya ni Elias, “Darahan mo man ako nin nagkapirang tinapay.”

2 Mga Hade 4:10

Maggibo kita sa atop nin sarong sadit na kwarto asin bugtakan ta nin higdaan, lamesa, tukawan saka ilawan. Pagdalaw niya sato, diyan siya magpapahingalo.”

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 24:14

siring man an kadonongan sa kalag. Hanapon mo an kadonongan asin may paglalaomon ka sa huring aldaw.

Parahulit 11:1

Magnegosyo ka sa ibang nasyon, asin maabot an aldaw na makakaganansya ka.

Zacarias 13:7

Nagtataram an Kagurangnan nin mga hukbo, “Pagmata, espada, asin salakaya an pastor na nagtatrabaho para sa sako! Gadana siya tanganing magkawararak an mga karnero. Sasalakayon ko an sakong banwaan

Mateo 18:10

“Dai nanggad nindo pagbasang-basangon an arin man sa mga saradit na ini. Sinasabihan ko kamo, an saindang mga anghel sa langit danay na nasa atubang kan sakong Ama sa langit.

Mateo 18:14

Huli ta habo kan saindong Ama sa langit na mawara an arin man sa mga saradit na ini.

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Lukas 17:2

Marahay pang tagulnodan siya sa liog nin gapong gilingan dangan ihulog sa tahaw kan dagat, ki kan magin siyang dahelan nin pagkakasala kan mga saradit na ini.

Lukas 6:35

Bakong arog kaiyan! Kundi kamotan nindo an saindong mga kaiwal asin gibohan nindo sinda nin marahay. Magpasubli kamo na dai naghahalat nin balos. Kun iyan an gibohon nindo, magkakaigwa kamo nin dakulang balos, asin magigin mga aki kamo kan Kahorohalangkawe. Huli ta marahayon siya sa mga mayo nin utang na boot asin sa mga makasadiri.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.