Mateo 10:23 - Marahay na Bareta Biblia

²³ Kun pasakitan kamo sa sarong banwa, dumulag kamo sa ibang lugar. Sa katotoohan sinasabihan ko kamo, bago nindo malibot an gabos na banwaan nin Israel, madigdi na an Aki nin Tawo.

Mateo 10:23 ပူးပေါင်းရင်းမြစ်များ

Jeremias 26:21

Kan an itinaram ni Urias maaraman ni Hadeng Jehoiakim asin kan mga soldados saka mga opisyal kaini, hiningowa kan hade na gadanon si Urias. Alagad naaraman ini ni Urias; kaya sa katakotan, nagdulag siya saka nagtago sa Egipto.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 16:28

Sa katotoohan sinasabihan ko kamo, igwa nin nagkapira digdi na dai magagadan sagkod na dai ninda mahiling na minadatong an Aki nin Tawo sa saiyang Kahadean.”

Mateo 2:13

Pakahale kan mga mago, an anghel nin Kagurangnan nagpahiling ki Jose sa pangatorogan asin nagsabi, “Magbangon ka; idulag mo sa Egipto an mag-ina. Dai ka maghale duman sagkod na sabihan taka, huli ta hahanapon ni Herodes an aki tanganing gadanon.”

Mateo 23:34

Kaya papadarahan ko kamo nin mga propeta, nin mga tawong madonong asin nin mga paratukdo. Alagad an iba sainda gagadanon nindo, an iba ipapako sa krus, an iba hahampakon sa mga sinagoga, asin pepersegiron sinda sa binurubanwa.

Mateo 23:36

Sa katotoohan sinasabihan ko kamo, an gabos na padusang ini madatong sa henerasyon na ini!

Mateo 24:27

Huli ta an Aki nin Tawo madigdi siring sa kikilat na minaliwanag hale sa sirangan sagkod sa solnopan.

Mateo 24:30

Dangan an tanda kan Aki nin Tawo matunga sa kalangitan; magtatangis an gabos na tawo, saka mahihiling nindang maabot an Aki nin Tawo na nasa ibabaw kan mga panganoron, may kapangyarihan asin dakulang kamurawayan.

Mateo 24:34

Sa katotoohan sinasabihan ko kamo, mangyayari an gabos na ini bago magadan an henerasyon na ini.

Mateo 24:48

Alagad kun an maraot na sorogoon magsaboot na haloy pa bago magbalik an saiyang kagurangnan,

Mateo 25:13

Dangan sinabihan sinda ni Jesus, “Kaya magpuka kamo, ta dai nindo aram an aldaw ni an oras.

Mateo 26:64

Alagad nagsimbag si Jesus, “Ika na an nagsasabi. Sinasabihan ko kamo, poon ngunyan mahihiling nindo an Aki nin Tawo na nagtutukaw sa too kan Makakamhan asin nagdadatong sa mga panganoron nin langit!”

Mateo 4:12

Kan madangog ni Jesus na si Juan nabibilanggo, nagduman siya sa Galilea.

Markos 13:26

Dangan mahihiling nindang maabot an Aki nin Tawo na nasa panganoron, may dakulang kapangyarihan saka kamurawayan.

Lukas 18:8

Alagad pagdigdi kan Aki nin Tawo, makakakua daw siya nin pagtubod sa kinaban?”

Lukas 21:27

Dangan mahihiling ninda an Aki nin Tawo na maabot sa sarong panganoron na may kapangyarihan asin dakulang kamurawayan.

Juan 7:1

Pakatapos kaini, linibot ni Jesus an Galilea; habo siyang maglibot sa Judea, huli ta pinaghuhumotan siyang gadanon kan mga Judio duman.

Mga Gibo 17:10

Pagkabanggi, isinubol tolos kan mga tugang si Pablo saka si Silas paduman sa Berea. Pag-abot ninda duman, naglaog sinda sa sinagoga kan mga Judio.

Mga Gibo 17:14

Pinahale tolos si Pablo kan mga tugang saka pinaduman sa dagat; alagad nagpawalat sa Berea si Silas saka si Timoteo.

Mga Gibo 20:1

Kan tapos na an kariribokan, tinipon ni Pablo an mga paratubod asin sinadol. Dangan nagpaaram siya sainda, asin nagpasiring sa Macedonia.

Mga Gibo 8:1

Nag-oyon si Saulo kan paggadan ki Esteban. Kan aldaw na idto, nagpoon na magtios nin makuring pasakit an simbahan sa Jerusalem. An gabos na paratubod, pwera kan mga apostol, nagkawaragas sa mga probinsya nin Judea asin Samaria.