Mateo 10:22 - Marahay na Bareta Biblia

²² Ikakaongis kamo kan gabos dahel sako. Alagad an magdanay sagkod sa kataposan makakaligtas.

Mateo 10:22 ပူးပေါင်းရင်းမြစ်များ

Mga Talinhaga 29:27

An tampalasan ikinakaongis kan matanos, asin an matanos ikinakaongis kan tampalasan.

Mateo 10:39

An nagpapahalaga sa saiyang buhay, mawawaraan kaiyan; an nawawaran nin buhay huli sako, magkakamit kaiyan.

Mateo 24:13

Alagad an makakatagal sagkod sa kataposan, makakaligtas.

Mateo 24:9

“Dangan dadakopon kamo, papadusahan asin ipapagadan. An gabos na tawo maoongis saindo huli sako.

Mateo 5:11

“Paladan kamo kun minumuda kamo, pinapasakitan asin pinapakaraot kan mga tawo dahel sako.

Markos 13:13

Ikakaongis kamo kan gabos na tawo dahel sako. Alagad an makatagal sagkod sa kataposan makakaligtas.

Lukas 21:17

Ikakaongis kamo kan gabos na tawo dahel sako.

Lukas 21:19

Kun makatagal kamo, makakamtan nindo an buhay.

Lukas 6:22

“Paladan kamo kun ikinakaongis kamo, isinisikwal, o minumuda nin mga tawo, asin pinapakaraot an ngaran nindo huli sa Aki nin Tawo!

Lukas 8:15

Alagad an banhing nakasabwag sa matubang na daga, garo an mga tawo na minadangog kan tataramon nin Dios. Iniingatan ninda iyan sa pusong maboot saka makinuyog, asin nagdadanay sagkod na magbunga.

Juan 17:14

Itinukdo ko sainda an saimong tataramon, alagad ikinaongis sinda kan kinaban, huli ta bako sindang taga kinaban, siring na ako bakong taga kinaban.

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.

Mga Gibo 9:16

Ipapahiling ko saiya kun gurano an saiyang titioson huli sa sakong ngaran.”

Roma 2:7

An mga tawong padagos na naggigibo nin marahay, saka naghahanap nin kamurawayan, nin kaomawan asin buhay na daing kagadanan, tatawan nin Dios nin buhay na daing kataposan.

2 Corinto 4:11

Sa bilog ming pagkabuhay, danay kaming nasa pag-alaman nin kagadanan huli ki Jesus, tanganing an saiyang buhay mahayag sa hawak ming ini na may kagadanan.

Galacia 6:9

Kaya dai kita mapagal sa paggibo nin karahayan; huli ta kun dai kita magmaluya, maabot an panahon na maani kita.

Hebreyo 3:14

Huli ta kita magigin kahiras ni Cristo, kun papagdanayon tang pusog sagkod sa kataposan an pagsarig na dating yaon sato.

Hebreyo 6:11

Minamawot nyamo na ipadagos kan lambang saro saindo an dati niyang pagmaigot sagkod sa kataposan, tanganing makamtan nindo an mga bagay na saindong pinaglalaom.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

1 Juan 3:13

Kaya, mga tugang, dai nindo ipagngalas kun ikaongis kamo kan kinaban.

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 2:26

An mga manggagana saka magpapadagos sa paggibo kan boot ko sagkod sa kataposan, tatawan ko kan kapangyarihan arog kan itinao sako kan sakong Ama: magsasakop sinda sa mga nasyon na may kapot na pamakol na lansang; papasaon sindang garo mga dalipay na koron.

Kapahayagan 2:3

Aram ko na matinios ka asin huli sako nagtios ka na mayo nin kapagalan.

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.