Mateo 10:16 - Marahay na Bareta Biblia

¹⁶ “Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Mateo 10:16 ပူးပေါင်းရင်းမြစ်များ

Genesis 3:1

Sa gabos na hayop na ginibo nin Kagurangnan Dios, an halas an pinakatuso. Hinapot kan halas an babae, “Totoo mananggad na tinaraman kamo nin Dios na dai magkakan kan bunga kan arin man na kahoy sa laog kan tatamnan?”

Genesis 3:13

Hinapot nin Kagurangnan Dios an babae, “Tano ta ginibo mo ini?” Nagsimbag an babae, “Dinaya ako kan halas kaya nagkakan ako.”

Nehemias 4:13

Kaya sa mga kabtang kan kudal na dai pa tapos, nagbugtak ako nin mga bantay sa likod kan kudal, sosog sa saindang mga kamaganakan, na an mga ini may mga armas na espada, garod, saka mga pana.

Jeremias 40:16

Alagad nagsimbag si Gedalias, “Dai mo paggibohon iyan! Bakong totoo an sinasabi mo manongod ki Ismael!”

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Mateo 24:25

Magdangog kamo! Sinasabi ko ini saindo bago mangyari.

Mateo 24:45

“Kaya siisay an maimbod asin madonong na sorogoon? Siya idtong ibinugtak nin saiyang kagurangnan na mamahala kan ibang sorogoon asin magrasyon sainda nin kakanon sa oras nin pagkakan.

Mateo 25:2

An lima sainda mangmang, an lima madonong.

Mateo 25:4

mantang an mga madonong nagdara nin mga botelyang pano nin lana.

Mateo 25:9

Alagad nagsimbag an mga madonong, ‘Dai pwede ta tibaad magkulang ini para sato gabos; kaya marahay pang bumakal kamo para saindo sa tindahan.’

Lukas 10:3

Lakaw kamo! Sinusugo ko kamo siring sa mga kordero sa tahaw nin mga lobo.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Mga Gibo 20:29

Aram ko na pakahale ko, lalaogon kamo nin mababangis na lobo asin dai ninda paliligtason an mga karnero ko.

1 Corinto 14:20

Mga tugang, dai kamo mag-isip na garo aki. Kun manongod sa karatan, magin kamong siring sa aki, alagad mag-isip kamo siring sa gurang.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

2 Corinto 11:14

Dai ini dapat ipagngalas! Maski si Satanas nakakapagsagin-sagin man tanganing mahiling siya na garo anghel nin kaliwanagan!

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

2 Corinto 8:20

Naglilikay kami na mayo nin masabi samo an siisay man dapit sa pamamahala kan dakulang limos na ini.

Filipos 2:15

tanganing dai kamo magkasala, kundi magin malinig asin mayong kaninan na mga aki nin Dios sa kinaban na pano nin mga tawong maraot asin tampalasan. Sa siring na paagi, magliliwanag kamo sa tahaw ninda siring sa mga bitoon na nagliliwanag sa langit,

Colosas 1:9

Poon kan maaraman mi iyan, danay mi kamong ipinapamibi. Hinahagad mi sa Dios na masabotan nindo nin marahay an saiyang kabotan, sa paagi kan bilog na kadonongan saka pakasabot na itinatao kan Espiritu.

Colosas 4:5

Magin madonong kamo sa pakikiiba sa mga bakong paratubod. Gamiton nindo nin marahay an lambang oportunidad na umabot saindo.

1 Tesalonica 2:10

Kamo an samong mga saksi, siring man an Dios, na marahay, matanos, asin maninigo an samong gawe saindong mga paratubod.

1 Tesalonica 5:22

Likayan nindo an gabos na maraot.