Mateo 1:11 - Marahay na Bareta Biblia

¹¹ si Josias ama ni Jeconias saka kan mga tugang niya, kan panahon na madestyero an mga Israelita sa Babilonia.

Mateo 1:11 ပူးပေါင်းရင်းမြစ်များ

2 Mga Hade 23:31

Beynte y tres na taon an edad ni Joahaz kan siya magin hade nin Juda, asin tolong bulan siyang naghade sa Jerusalem. An saiyang ina iyo si Hamutal, na aki ni Jeremias na taga Libna.

2 Mga Hade 24:14

Binihag niya an mga taga Jerusalem, an gabos na aking lalaki kan hade, asin an mga ginagalangan na tawo kan banwaan na uminabot sa sampolong ribo gabos an bilang. Binihag man niya an gabos na ekspertong trabahador, pati an mga panday; mayo siya nin itinada kundi an pinakadukhang mga tawo sa Juda.

2 Mga Hade 25:11

Binihag ni Nebuzaradan an mga tawong nawalat sa syudad, an natatadang ekspertong mga trabahador, asin an mga nag-apil sa hade nin Babilonia.

2 Mga Cronica 36:10

Kan magpoon na an tig-init, binihag ni Hadeng Nebukadnezzar si Jehoiakin asin dinara sa Babilonia, kaiba an mga kayamanan sa Templo nin Kagurangnan. Dangan si Zedekias, na tiyo ni Jehoiakin, iyo an ginibo ni Nebukadnezzar na hade nin Juda saka Jerusalem.

2 Mga Cronica 36:20

An mga natadang buhay dinara niya sa Babilonia bilang mga bihag, asin nagin mga oripon niya saka kan saiyang mga kapagarakian, sagkod kan pagkosog kan Imperyo nin Persia.

Isaias 13:1

Iyo ini an mensaheng hale sa Dios dapit sa Babilon, na inako ni Isaias na aking lalaki ni Amoz.

Jeremias 39:9

Pakatapos, dinara ni Nebuzaradan, an pinakahalangkaw na opisyal kan hukbo, an mga tawong natada sa syudad bilang mga bihag sa Babilonia, kaiba an mga nagdulag sa syudad tanganing magkampi saiya.

Daniel 1:2

Itinugot nin Kagurangnan na mabihag si Hadeng Jehoiakim ni Hadeng Nebukadnezzar asin samsamon kaini an nagkapirang kagamitan kan Templo. An nagkapirang bihag dinara niya sa templo kan saiyang mga dios sa Babilon, asin an mga nasamsam na kagamitan ibinugtak niya sa mga sarayan kan templo.

Mateo 1:12

Kan nakadestyero na an mga Israelita sa Babilonia, iyo ini an mga ginikanan: si Jeconias ama ni Sealtiel, si Sealtiel ama ni Zorobabel;

Mateo 1:17

Kaya, may katorseng ginikanan poon ki Abraham sagkod ki David; katorseng ginikanan naman poon ki David sagkod sa panahon na an mga Israelita nadestyero sa Babilonia, asin katorseng ginikanan naman poon kaiyan sagkod na mamundag an Cristo.