Markos 8:23 - Marahay na Bareta Biblia

²³ Kinabit ni Jesus an buta paluwas sa baryo. Linutaban niya an mga mata kan buta, asin ibinugtak an mga kamot saiya, dangan hinapot, “May nahihiling ka?”

Markos 8:23 ပူးပေါင်းရင်းမြစ်များ

Isaias 44:2

Ako an Kagurangnan na naglalang saimo; magpoon kan ika mamundag, tinabangan taka. Dai ka matakot; ika an sakong sorogoon, an sakong piniling banwaan na sakong namomotan.

Isaias 51:18

Mayo na nin mangengenot saimo, mayo sa saimong mga namamanwaan na makabit kan saimong kamot.

Jeremias 31:32

Bako iyan arog kan tipan na ginibo ko sa saindang mga ginikanan kan kabiton ko sinda saka giyahan paluwas sa Egipto. Maski ako nagin arog sa sarong agom na lalaki sa sainda, dai ninda kinuyog an tipan na idto.

Markos 5:23

saka maigot na nakimaherak na an sabi, “An aki kong daragita naghihingagdan. Madya asin dutaan mo siya kan kamot mo tanganing maomayan siya asin mabuhay!”

Markos 7:33

Irinayo ni Jesus sa mga tawo an lalaki. Dangan dinutaan niya kan saiyang mga muro an talinga kan lalaki, naglutab siya saka dinutaan an dila kaini.

Markos 8:24

Nagtangad an lalaki asin nagsabi, “May nahihiling akong mga tawo, alagad garo sinda mga kahoy na naglalakaw.”

Markos 8:26

Dangan pinapuli na ni Jesus an lalaki asin tinugon, “Dai ka na magbalik sa baryo.”

Mga Gibo 23:19

Kinabit kan komandante an hoben, irinayo dangan hinapot, “Ano an sasabihon mo sako?”

Mga Gibo 9:8

Nagtindog si Saulo, alagad kan muklaton niya an saiyang mga mata, dai na siya nakakahiling. Kaya kinabit siya kan mga kairiba niya saka dinara sa Damasco.

Hebreyo 8:9

Bako iyan arog kan tipan na ginibo ko sa saindang mga ginikanan kan aldaw na kabiton ko sinda paluwas sa daga nin Egipto. Dai sinda nagin maimbod sa tipan na ginibo ko sainda, kaya pinabayaan ko sinda.

Kapahayagan 3:18

Kaya hinahatolan taka na bumakal ka sako nin purong bulawan, tanganing magyaman ka. Bumakal ka man nin puting gubing tanganing may itahob ka sa makasosopog mong hubang kamugtakan. Bumakal ka nin bolong na ilalahid sa saimong mga mata tanganing makahiling ka.